Abril 28–Mayo 4
HULUBATON 11
Ambahanon 90 kag Pangamuyo | Nagabukas nga Komento (1 min.)
1. Indi Ina Pag-ihambal!
(10 min.)
Indi maghambal sang bisan ano nga makasakit sa balatyagon sang imo “isigkatawo” (Hul 11:9; w02 5/15 26 ¶4)
Indi maghambal sang bisan ano nga makapabahinbahin (Hul 11:11; w02 5/15 27 ¶2-3)
Indi pag-isugid ang kompidensial nga mga butang (Hul 11:12, 13; w02 5/15 27 ¶5)
PARA PAMALANDUNGAN: Paano ang ginsiling ni Jesus nga mabasa sa Lucas 6:45 makabulig sa aton nga malikawan ang paghambal sang masakit nga mga tinaga?
2. Espirituwal nga mga Hiyas
(10 min.)
-
Hul 11:17—Ano ang benepisyo kon nagapakita kita sing kaayo sa iban? (g20.1 11, kahon)
-
Sa imo pagbasa sa Biblia sini nga semana, ano nga espirituwal nga mga hiyas ang gusto mo ikomento?
3. Pagbasa sa Biblia
(4 min.) Hul 11:1-20 (th tulun-an 5)
4. Pagsugod sa Pag-istoryahanay
(4 min.) INDI PORMAL NGA PAGPANAKSI. Mangita sang kahigayunan nga sugiran ang imo kaistorya parte sa imo natun-an sa miting sining karon lang. (lmd leksion 2 punto 4)
5. Pagbalik sa mga Interesado
(4 min.) INDI PORMAL NGA PAGPANAKSI. Sambita kag binagbinaga ang isa ka video sa aton Teaching Toolbox. (lmd leksion 8 punto 3)
6. Pagtudlo Agod Mangin Disipulo
(4 min.) PAGPANAKSI SA PUBLIKO. Magtanyag sang pagtuon sa Biblia kag ipakita kon paano ini himuon. (lmd leksion 10 punto 3)
Ambahanon 157
7. Indi Pagtuguti ang Imo Dila nga Makaguba sang Paghidait
(15 min.) Paghinun-anon.
Bangod indi kita perpekto, makasala gid kita sa aton mga ginahambal. (San 3:8) Pero, kon pamensaron na naton sing abanse ang mangin resulta sang indi maayo nga mga tinaga, malikawan naton nga mahambal ini kag wala kita sing hinulsulan sa ulihi. Ari ang pila ka klase sang panghambal nga makaguba sa paghidait sang kongregasyon:
-
Pagpahambog. Pagpadayawdayaw ini sa kaugalingon. Bangod sini, gusto magkompetensia sang iban kay nahisa sila sa imo.—Hul 27:2
-
Pagpangdaya. Indi lang ini pagbinutig kundi hungod ini nga pagpanunto sa iban. Bisan ang gamay lang nga pagpangdaya makaguba sang pagsalig sang iban sa aton kag sang aton reputasyon.—Man 10:1
-
Tsismis. Wala pulos ini nga panghambal kay pagpanghilabot ini sa kabuhi sang iban, pagpalapta sang indi matuod nga mga istorya, ukon pagpanugid sang sekreto sang iban. (1Ti 5:13) Nagaresulta ini sa pag-ilinaway kag pagbinahinbahin
-
Masakit nga hambal bangod sa kaakig. Indi ini mapunggan nga kaakig kag makapainsulto ini nga mga tinaga batok sa isa nga nagpaakig sa aton. (Efe 4:26) Makasakit gid ini sang balatyagon.—Hul 29:22
Ipatan-aw ang VIDEO nga Isikway ang Makaguba sang Paghidait—Porsyon lang sang video. Dayon pamangkuta ang tumalambong:
-
Base sa video, daw ano kadasig maguba ang paghidait sang kongregasyon paagi sa aton mga ginahambal?
Para mabal-an mo kon paano nabalik ang paghidait, tan-awa ang ‘Pangitaa ang Paghidait, kag Hupti Ini.’
8. Pagtinuon sang Kongregasyon sa Biblia
(30 min.) bt kap. 25 ¶14-21
