Malipay gid ang Cristiano nga mga ginikanan kon makita nila nga ‘ginapanghiwala sang ila bata ang iya kaugalingon kag ginapas-an ang iya usok sang pag-antos kag padayon nga nagasunod’ kay Jesus. (Mar 8:34; 3Ju 4) Paano mahanda sang mga ginikanan ang ila kabataan nga sundon si Jesus, idedikar ang ila kabuhi kay Jehova, kag magpabawtismo? Ano ang pila ka pamatuod nga ang kabataan handa na sa importante nga tikang nga amo ang pagpabawtismo?

Basaha ang “Mensahe sa Cristiano nga mga Ginikanan” sa pahina 165-166 sang Organisado sa Paghimo sang Kabubut-on ni Jehova, dayon binagbinaga ang masunod nga mga pamangkot:

1. Ano ang buot silingon sang isa ka disipulo?

2. Ano ang dapat itudlo sang mga ginikanan sa ila kabataan?

3. Para mangin kalipikado sa bawtismo, paano iaplikar sang kabataan ang masunod nga mga teksto base sa ila edad?

   • Col 3:20

   • Lu 2:46

   • Sa 122:1

   • Mat 4:4

   • Mat 6:33

   • 1Co 15:33