PAGKABUHI BILANG CRISTIANO
Tan-awa ang Imo Kaugalingon Pareho sang Pagtan-aw ni Jehova
“Si Jehova nahamuot sa iya katawhan.” (Sa 149:4) Bisan pa indi kita himpit, nakita niya ang aton maayo nga mga kinaiya kag mga ikasarang. Pero kon kaisa, mahimo indi naton ini makita. Basi nagabatyag kita nga wala sing pulos bangod sang pagtratar sang iban sa aton. Ukon basi nagapokus kita sa aton mga sala sang una amo nga nagapensar kita nga indi kita palangga ni Jehova. Ano ang makabulig sa aton kon nagabatyag kita sini?
Dumduma nga ang pagtan-aw ni Jehova indi pareho sa pagtan-aw sang mga tawo. (1Sa 16:7) Buot silingon, makita niya ang mga indi naton makita sa aton kaugalingon. Ginabuligan kita sang Biblia nga mahibaluan kon ano ang pagtan-aw ni Jehova sa aton. Paagi sa pagbasa sa mga rekord kag mga kasaysayan sa Biblia, mahibaluan naton kon daw ano ka palangga ni Jehova ang iya mga sumilimba.
TAN-AWA ANG VIDEO NGA KUMBINSIHA ANG IMO TAGIPUSUON SANG GUGMA NI JEHOVA, DAYON SABTI ANG MASUNOD NGA MGA PAMANGKOT:
-
Ano ang ginatudlo sang ilustrasyon parte sa manugdalagan kag sang iya amay sa pagtan-aw ni Jehova sa aton?
-
Kon ang isa nga nakahimo sang serioso nga sala nagtinguha nga mapabakod liwat ang iya kaangtanan kay Jehova, paano niya makumbinsi ang iya tagipusuon nga napatawad na sia ni Jehova?—1Ju 3:19, 20, footnote.
-
Paano nabuligan ang isa ka brother sang ginbasa niya kag ginpamalandungan ang kasaysayan nanday David kag Jehosapat?
