Wala kita natingala kon ang mga nagakatabo sa kalibutan nagaresulta sa krisis sa ekonomiya. Ngaa? Bangod nagakabuhi na kita sa hingapusan sang katapusan nga mga adlaw kag ginpaandaman kita sang Biblia nga indi kita magsalig sa “wala sing kapat-uran nga manggad.” (1Ti 6:17; 2Ti 3:1) Ano ang matun-an naton sa halimbawa ni Hari Jehosapat parte sa paghanda sa krisis sa ekonomiya?

Sang ginpahog si Jehosapat nga salakayon sila sang ila kaaway nga mga pungsod, nagsalig sia kay Jehova. (2Cr 20:9-12) Ginhanda man niya ang pungsod paagi sa pagpabakod sa depensa sang mga siudad kag pagbutang sing mga garison. (2Cr 17:1, 2, 12, 13) Pareho kay Jehosapat, dapat man kita magsalig kay Jehova kag maghanda antes mag-abot ang mga kabudlayan.

TAN-AWA ANG VIDEO NGA NAKAHANDA KA NA BALA SA KALAMIDAD?, DAYON SABTI ANG MASUNOD NGA MGA PAMANGKOT:

• Ano ang mahimo sang kada isa sa aton para mangin handa sa kalamidad?

  Imo sabat

• Paano kita mangin handa sa pagbulig sa iban?

  Imo sabat