5:5-7, 11

Ang kapigaduhon wala nakapugong sa mga Israelinhon para makatigayon sing maayo nga kaangtanan kay Jehova. Bisan ang pigado katama nga mga Israelinhon makahalad gihapon kay Jehova, basta amo ini ang ila pinakamaayo. Mahimo sila makahalad sing harina, pero gusto ni Jehova ang “pino” nga klase sang harina nga ginagamit para sa dungganon nga mga bisita. (Ge 18:6) Subong, ginabaton ni Jehova ang aton pinakamaayo nga “halad sang pagdayaw,” bisan pa limitado ang aton mahimo bangod sang aton tagsa ka kahimtangan.—Heb 13:15.

Paano ini makapalig-on sa imo kon indi na pareho ang mahimo mo subong sa mahimo mo sadto, kay tigulang ka na ukon nagabalatian?