Ang mga pangamuyo nga ginabaton ni Jehova daw kaangay sang mahamot nga incienso nga ginasunog sa templo. (Sa 141:2) Kon ginapabutyag naton sa aton Amay sa langit ang aton gugma kag pagpasalamat sa iya, ginasugid sa iya ang aton mga kabalaka kag mga handum, kag nagapangayo kita sa iya sing giya, ginapakita naton nga ginapabaloran naton ang pagpakig-abyan sa iya. Siempre, ginatamod ni Jehova nga importante nga bahin sang aton pagsimba ang malip-ot nga mga pangamuyo sa aton mga miting. Pero, malipay gid si Jehova kon mas malawig ang aton personal nga mga pangamuyo, kag ginasugid naton sa iya ang aton ginabatyag!—Hul 15:8.

TAN-AWA ANG VIDEO NGA PIRME GID AKO NAGAPANGAMUYO, DAYON SABTI ANG MASUNOD NGA MGA PAMANGKOT:

• Ano ang mga pribilehiyo ni Brother Johnson?

• Paano nagsalig si Brother Johnson kay Jehova paagi sa pangamuyo?

• Ano ang natun-an mo sa mga eksperiensia ni Brother Johnson?