Nobiembre 18-24
SALMO 107-108
Ambahanon 7 kag Pangamuyo | Nagabukas nga Komento (1 min.)
1. “Magpasalamat Kamo kay Jehova, kay Maayo Sia”
(10 min.)
Pareho sa mga Israelinhon nga ginluwas ni Jehova sa Babilonia, ginluwas man kita ni Jehova sa malain nga impluwensia kag butig nga mga panudlo sang kalibutan ni Satanas (Sa 107:1, 2; Col 1:13, 14)
Kon nagapasalamat kita sa ginhimo ni Jehova, mapahulag kita sini nga dayawon sia sa kongregasyon (Sa 107:31, 32; w07 4/15 20 ¶2)
Kon pamensaron naton ang tanan nga ginhimo ni Jehova para sa aton, magadugang pa gid ang aton apresasyon sa iya (Sa 107:43; w15 1/15 9 ¶4)
2. Espirituwal nga mga Hiyas
(10 min.)
-
Sa 108:9—Ano ang posible nga rason kon ngaa ginkumparar ang Moab sa “hilinawan” sang Dios? (it-2-E 420 ¶4)
-
Sa imo pagbasa sa Biblia sini nga semana, ano nga espirituwal nga mga hiyas ang gusto mo ikomento?
3. Pagbasa sa Biblia
(4 min.) Sa 107:1-28 (th tulun-an 5)
4. Pagsugod sa Pag-istoryahanay
(3 min.) INDI PORMAL NGA PAGPANAKSI. (lmd leksion 1 punto 4)
5. Pagbalik sa mga Interesado
(4 min.) INDI PORMAL NGA PAGPANAKSI. Sugiri ang imo kaistorya parte sa aton ginahimo nga pagtuon sa Biblia, dayon hatagi sia sang contact card. (lmd leksion 9 punto 3)
6. Pamulongpulong
(5 min.) ijwyp 90—Tema: Ano ang Himuon Ko Para Malikawan ang Pagpamensar sing Negatibo? (th tulun-an 14)
Ambahanon 46
7. Nagakanta Kita Para Pasalamatan si Jehova
(15 min.) Paghinun-anon.
Sa tapos ginluwas ni Jehova ang nahadlok nga mga Israelinhon sa mga soldado sang Egipto sa Pula nga Dagat, nagkanta ang iya katawhan bilang pagpasalamat. (Ex 15:1-19) Ang mga lalaki ang nanguna sa pagkanta sang bag-o nga ambahanon. (Ex 15:21) Si Jesus kag ang mga Cristiano sang una nagkanta man para dayawon ang Dios. (Mat 26:30; Col 3:16) Padayon naton nga ginapasalamatan si Jehova paagi sa pagkanta sa aton mga miting sang kongregasyon, asembleya, kag kombension. Halimbawa, ang ambahanon nga bag-o lang naton ginkanta nga “Salamat, Jehova,” ginakanta na naton sa aton mga miting sugod pa sang 1966.
Sa iban nga lugar, nahuya ang mga lalaki nga magkanta sa madamo nga tawo. Ang iban naman nga lalaki kag babayi nahuya magkanta kay para sa ila indi nami ang ila tingog. Pero, dapat naton dumdumon nga ang pagkanta sa aton mga miting bahin sang aton pagsimba. Daku nga obra ang ginahimo sang organisasyon ni Jehova para ma-compose ang mga kanta kag mapili ang kantahon sa kada miting. Ang aton na lang nga himuon amo ang pagkanta para ipakita ang aton gugma kag pagpasalamat sa aton Amay sa langit.
Ipatan-aw ang VIDEO nga Ang Aton Kasaysayan Nagapadayon—Ang Dulot nga Ambahanon, Bahin 2. Dayon pamangkuta ang tumalambong:
-
Ano ang natabo nga talalupangdon sang 1944?
-
Paano ginpakita sang aton mga kauturan sa Siberia ang ila pagpasalamat sa mga ambahanon sang Ginharian?
-
Ngaa importante gid sa mga Saksi ni Jehova ang pagkanta?
8. Pagtinuon sang Kongregasyon sa Biblia
(30 min.) bt kap. 18 ¶6-15
