Samtang nagahilapit ang dakung kapipit-an, hilingagawon na gid ang aton pagbantala. (Hul 24:11, 12, 20) Para buligan ang mga tawo, magamit naton ang mga contact card para mapakita sa ila ang ginasiling sang Pulong sang Dios kag ang aton website. Ang card may pangagda kon gusto sang isa sing dugang nga impormasyon ukon magtuon sang Biblia, kag may code nga makabukas sing video nga Ngaa Dapat Tun-an ang Biblia? Ang iban nga tawo indi magbaton sang literatura pero gusto nila tan-awon ang aton website. Gani, hatagi sila sing contact card. Pero indi ini pag-ihatag sa mga indi interesado.

Samtang nagahimo ka sang imo adlaw-adlaw nga hilikuton, mapukaw mo ang interes sang isa paagi sa pagsiling: “May ihatag ako sa imo. Makita mo sa sini nga card ang website nga may libre nga impormasyon kag mga video parte sa sarisari nga topiko.” (Ju 4:7) Bangod gamay lang ang card, puede ka magdala sing pila ka bilog para mahatag mo ini sa iban kon may kahigayunan.