KON NGAA IMPORTANTE: Si Jesus nagtudlo nga gugma ang magapakilala sa iya mga disipulo. (Ju 13:34, 35) Para mapakita naton ang gugma pareho kay Jesus, dapat naton pangitaon ang kaayuhan sang iban kag likawan nga maakig.—1Co 13:5.

KON PAANO HIMUON:

• Kon may nahambal ukon nahimo ang iban nga nakasakit sa imo, pamensara anay kag hibalua kon ngaa nahimo niya ina kag kon ano ang mangin resulta kon magpadala ka sa kaakig.—Hul 19:11

• Tandai nga tanan kita indi perpekto, kag kon kaisa may mahambal kita kag mahimo nga ginahinulsulan naton sa ulihi

• Solbara gilayon ang indi pag-intiendihanay

TAN-AWA ANG VIDEO NGA “MAGHIGUGMAANAY KAMO”—ISIKWAY ANG PAGKAMAIYAIYAHON KAG KAAKIG, DAYON SABTI ANG MASUNOD NGA MGA PAMANGKOT:

• Ngaa masiling nga nasobrahan ang reaksion ni Larry sa ginhambal ni Tom?

• Paano nakabulig kay Tom ang pagpamensar anay para malikawan nga maakig man?

• Paano ang kalmado nga sabat ni Tom nakabulig nga maghaganhagan ang tension?