MGA BAHANDI SA PULONG SANG DIOS | ISAIAS 52-57
Ang Cristo Nag-antos Tungod sa Aton
“Gintamay sia kag ginlikawan sang mga tawo . . . Ginkabig namon sia nga ginsilutan, ginpintasan, kag ginpaantos sang Dios”
-
Gintamay si Jesus kag ginbutangbutangan nga manugpasipala. Ang iban nagsiling nga ginasilutan sia sang Dios, kag daw pareho lang nga ginapaantos sia sing makangilil-ad nga balatian
“Kabubut-on ni Jehova nga paantuson sia, . . . kag paagi sa iya matuman ang ginakahamut-an ni Jehova”
-
Sigurado gid nga nasakitan si Jehova sang nakita niya nga ginpatay ang iya Anak. Pero nalipay sia nga matutom gid si Jesus. Ang kamatayon ni Jesus naghatag sing sabat sa hangkat ni Satanas parte sa katutom sang mga alagad sang Dios kag nagresulta sa pagpakamaayo sa mahinulsulon nga katawhan. Paagi sini, natuman ang “kabubut-on ni Jehova”
