PAGKABUHI BILANG CRISTIANO
“Padunggi ang Inyo Amay kag ang Inyo Iloy”
Sang ari si Jesus sa duta, ginpadaku niya ang sugo nga: “Padunggi ang inyo amay kag ang inyo iloy.” (Ex 20:12; Mat 15:4) Mapalig-on gid ni Jesus ang mga tawo nga himuon ini kay sia mismo “nagpabilin nga matinumanon” sa iya mga ginikanan sang pamatan-on sia. (Lu 2:51, footnote) Sang adulto na sia, ginsiguro niya nga may maatipan sa iya iloy kon mapatay na sia.—Ju 19:26, 27.
Subong, ginapadunggan man sang Cristianong mga pamatan-on ang ila mga ginikanan paagi sa pagtuman kag pag-istorya sa ila sing matinahuron. Siempre, ang sugo nga padunggan ang aton ginikanan wala nagabag-o. Bisan pa tigulang na sila, padayon naton nga padunggan sila paagi sa pagpamati sa ila maalamon nga laygay. (Hul 23:22) Mapadunggan man naton ang aton tigulang na nga ginikanan paagi sa pagpabatyag sang aton pagpalangga kag pagsuporta sa ila sa pinansial kon kinahanglanon. (1Ti 5:8) Pamatan-on man kita ukon adulto na, ang panguna nga paagi sang pagpadungog sa aton ginikanan amo ang padayon nga pagkomunikar sa ila.
TAN-AWA ANG WHITEBOARD ANIMATION NGA PAANO KO ISTORYAHON ANG AKON MGA GINIKANAN? DAYON SABTI ANG MASUNOD NGA MGA PAMANGKOT:
-
Ngaa mahimo nabudlayan ka makig-istorya sa imo mga ginikanan?
-
Paano mo mapadunggan ang imo mga ginikanan kon nagaistorya ka sa ila?
-
Ngaa maayo gid nga istoryahon mo ang imo mga ginikanan? (Hul 15:22)