MGA BAHANDI SA PULONG SANG DIOS | MATEO 18-19
Maghalong nga Indi Mo Mapasandad ang Imo Kaugalingon kag ang Iban
Naggamit si Jesus sing mga ilustrasyon para itudlo nga serioso gid nga butang kon masandad kita ukon kon pasandaron naton ang iban.
-
Ang “kasandaran” nagapatuhoy sa isa ka buhat ukon sitwasyon nga nangin rason nga ang isa ka tawo makahimo sing malain, masandad ukon mangin imoral, ukon makasala
-
Kon ang isa ka tawo nagapasandad sa iban, maayo pa nga higtan ang iya liog sing daku nga galingan nga bato kag itagbong sa madalom nga dagat
Daku nga galingan nga bato
-
Ginlaygayan ni Jesus ang iya mga sumulunod nga kuhaon ang bisan ano, bisan pa importante ini pareho sang kamot ukon mata kon nagapasandad ini sa ila
-
Maayo pa nga wala ining importante nga mga butang pero makasulod sa Ginharian sang Dios sangsa ara ini pero ihaboy sa Gehenna, nga nagasimbulo sang dayon nga kalaglagan
Ano nga mga butang sa akon kabuhi ang posible mangin kasandaran ko, kag ano ang himuon ko para indi ako masandad sa sini ukon ang iban?
