KON NGAA IMPORTANTE: Ang mga tawo dapat magtawag sa ngalan ni Jehova para maluwas. (Ro 10:13, 14) Pero, indi tanan nga nagatuon sa Biblia handa nga magsunod sa mga talaksan ni Jehova. Ginagamit naton sing maayo ang aton hamili nga tion sa ministeryo paagi sa pagbulig sa mga gusto gid nga magbag-o sang ila kabuhi para mapalipay si Jehova. Kon ang isa ka ginatun-an sa Biblia wala nagauswag bisan pa madugay na sia nga nagatuon, maalamon nga untaton ang pagtuon kag gamiton ang aton tion sa pagbulig sa mga ginabuyok ni Jehova sa iya kag sa iya organisasyon. (Ju 6:44) Siempre, kon sa ulihi makita sa iya ang pamatuod nga may ‘husto sia nga panimuot sa pagtigayon sing kabuhi nga wala sing katapusan,’ malipay gid kita nga padayunon liwat ang pagtuon sa Biblia sa iya.—Bin 13:48.

KON PAANO HIMUON:

• Hatagi sia sing komendasyon kay gusto niya makatigayon sing sibu nga ihibalo.—1Ti 2:4

• Ipadaku nga importante gid nga iaplikar niya ang iya natun-an. —Lu 6:46-49

• Mainayuhon nga binagbinaga upod sa iya ang ilustrasyon ni Jesus parte sa manugsab-ug, kag pangabaya sia nga binagbinagon kon ano ang posible nga nagapugong sa iya nga mag-uswag.—Mat 13:18-23

• Mataktikanhon nga ipaathag sa iya kon ngaa untaton mo ang pagtuon

• Hambala sia nga hapithapitan mo sia para palig-unon kag puede mo padayunon ang pagtuon kon may makita ka nga pag-uswag sa iya sa ulihi

TAN-AWA ANG VIDEO, DAYON SABTI ANG MASUNOD NGA MGA PAMANGKOT:

• Ano ang natalupangdan mo sa ila pag-istoryahanay nga nagapakita nga ang ginatun-an wala nagauswag sa espirituwal?

• Paano ginbuligan sang manugbantala ang ginatun-an nga maintiendihan nga dapat sia maghimo sing mga pagbag-o sa iya kabuhi?

• Ano ang ginhimo sang manugbantala para mabatyagan sang ginatun-an nga puede pa padayunon liwat ang pagtuon sa ulihi?