MGA BAHANDI SA PULONG SANG DIOS | SALMO 119
‘Maglakat Suno sa Kasuguan ni Jehova’
Ang paglakat sa kasuguan ni Jehova nagakahulugan sing kinabubut-on nga pagtuman sa iya panuytoy. Madamo sing maayo nga halimbawa sa Biblia, pareho sa manunulat sang Salmo, nga nagtuman sa mga kasuguan ni Jehova kag nagsalig sa iya.
Ang matuod nga kalipay mabatyagan kon tumanon naton ang kasuguan sang Dios
Si Josue nagsalig gid sa panuytoy ni Jehova. Nahibaluan niya nga mangin malipayon kag madinalag-on sia kon magsalig sia kay Jehova sa bug-os niya nga tagipusuon
Ang Pulong sang Dios nagahatag sa aton sing kaisog para maatubang ang mga pagtilaw sa kabuhi
Si Jeremias nagpakita sing kaisog kag nagsalig kay Jehova bisan pa may mga kabudlayan. Ginpabilin niya nga simple ang iya kabuhi kag nagpadayon sa iya asaynment
Ang sibu nga ihibalo sa Pulong sang Dios nagahatag sa aton sing kompiansa nga magpanaksi
Si Pablo wala nahadlok nga isugid ang mensahe sang Dios kay bisan sin-o. Nagsalig gid sia sa bulig ni Jehova sang may kaisog sia nga nagpanaksi kay Gobernador Felix
Diin ko mapakita ang dugang nga kompiansa kon nagapanaksi?
-
Eskwelahan
-
Trabaho
-
Pamilya
-
Iban pa
