Kon nabudlayan kita mangita sing trabaho, mahimo mabudlayan man kita nga unahon ang Ginharian kag ang pagkamatarong sang Dios. Posible masulay kita nga batunon ang trabaho nga makapabudlay sa aton pag-alagad kay Jehova ukon supak sa mga prinsipio sa Biblia. Pero, makasalig kita nga ipakita ni Jehova ang iya kusog para sa mga tawo nga “ang tagipusuon bug-os para sa iya.” (2Cr 16:9) Wala sing makapugong sa aton mahigugmaon nga Amay nga buligan kita kag ihatag ang aton mga kinahanglanon. (Ro 8:32) Gani kon nagadesisyon parte sa trabaho, dapat kita magsalig kay Jehova kag padayon nga unahon ang pag-alagad sa iya.—Sa 16:8.

TAN-AWA ANG VIDEO NGA MANGHIKOT SING BUG-OS KALAG PARA KAY JEHOVA, DAYON SABTI ANG MASUNOD NGA MGA PAMANGKOT:

• Ngaa wala ginbaton ni Jason ang hamham?

• Paano naaplikar sa aton ang Colosas 3:23?

• Ano ang epekto kay Thomas sang maayo nga halimbawa ni Jason?

• Paano naaplikar sa aton ang Mateo 6:22?