Nalipay gid kita nga makabaton sing bag-o nga brosyur kag libro para gamiton sa pag-Bible study! Nagapangamuyo kita kay Jehova nga pakamaayuhon niya ang aton panikasog nga mabuligan ang mas madamo nga tawo nga mangin disipulo. (Mat 28:18-20; 1Co 3:6-9) Paano naton ini gamiton?

Ang Magkabuhi sing Wala Katapusan! isa ka interactive nga pagtuon sa Biblia nga may bag-o nga paagi sa pagtudlo. Gani sunda ini nga mga paagi samtang nagahanda ka kag nagahiwat sang pagtuon sa Biblia. *

• Basaha ang leksion, kag binagbinaga ang mga pamangkot

• Basaha ang “basaha” nga mga teksto, kag buligi ang imo Bible study nga mahangpan kon paano ini iaplikar

• Ipatan-aw ang mga video kag binagbinaga ninyo ang mga pamangkot

• Tinguhai nga matapos ang isa ka leksion sa kada pagtuon

Sa imo pagministeryo, itanyag anay ang brosyur para makita kon interesado ang tagbalay. (Tan-awa ang kahon nga “ Kon Paano Itanyag ang Magkabuhi sing Wala Katapusan! nga Brosyur sa Una nga Pag-istoryahanay.”) Kon natapos na ninyo ang brosyur kag gusto sang imo Bible study magpadayon, itanyag ang libro kag sugdi ang pagtuon sa leksion 04. Kon may ginatun-an ka na sa libro nga Ginatudlo sa Aton ukon sa Magpabilin sa Gugma sang Dios, isaylo ini sa Magkabuhi sing Wala Katapusan! nga libro kag binagbinaga kon diin kamo maumpisa.

TAN-AWA ANG VIDEO NGA WELCOME SA IMO PAGTUON SA BIBLIA, DAYON SABTI ANG MASUNOD NGA MGA PAMANGKOT:

• Ano ang matun-an sang mga Bible study sa bag-o nga libro?

• Ngaa dapat mo ipatan-aw ini nga video sa bag-o mo nga mga Bible study?

• Ano nga mga tulumuron ang puede mo ipahimo sa imo Bible study?—Tan-awa ang tsart nga “ Pokus kag Ang Puede Mo Himuon sa Kada Seksion”