Septiembre 2-8
SALMO 79-81
Ambahanon 29 kag Pangamuyo | Nagabukas nga Komento (1 min.)
1. Ipakita ang Gugma sa Mahimayaon nga Ngalan ni Jehova
(10 min.)
Indi maghimo sang mga butang nga nagapakahuya kay Jehova (Sa 79:9; w17.02 9 ¶5)
Magpanawag sa ngalan ni Jehova (Sa 80:18; ijwbv 3 ¶4-5)
Pakamaayuhon gid ni Jehova ang mga matinumanon kag nagahigugma sa iya ngalan (Sa 81:13, 16)
Para mapakabalaan ang ngalan ni Jehova, dapat magpakilala kita nga iya mga Saksi
2. Espirituwal nga mga Hiyas
(10 min.)
-
Sa 80:1—Ngaa ginagamit kon kaisa ang ngalan ni Jose para patuhuyan ang tanan nga tribo sang Israel? (it-2-E 111)
-
Sa imo pagbasa sa Biblia sini nga semana, ano nga espirituwal nga mga hiyas ang gusto mo ikomento?
3. Pagbasa sa Biblia
(4 min.) Sa 79:1–80:7 (th tulun-an 10)
4. Pagsugod sa Pag-istoryahanay
(1 min.) PAGPAMALAYBALAY. Magtanyag sing pagtuon sa Biblia. (lmd leksion 4 punto 4)
5. Pagsugod sa Pag-istoryahanay
(3 min.) INDI PORMAL NGA PAGPANAKSI. Magtanyag sing pagtuon sa Biblia. (lmd leksion 4 punto 3)
6. Pagsugod sa Pag-istoryahanay
(2 min.) PAGPANAKSI SA PUBLIKO. Magtanyag sing pagtuon sa Biblia. (lmd leksion 3 punto 3)
7. Pagbalik sa mga Interesado
(5 min.) PAGPAMALAYBALAY. Magtanyag sing pagtuon sa Biblia sa isa ka interesado nga wala nagpasugot sadto. (lmd leksion 8 punto 3)
Ambahanon 10
8. “Pakabalaanon Nila ang Akon Ngalan”
(15 min.) Paghinun-anon.
Sa hardin sang Eden una nga ginpasipalahan ni Satanas ang ngalan ni Jehova. Sugod sadto, kinahanglan maghimo sang pinakaimportante nga desisyon ang tanan nga tawo kag mga anghel—ang pagbindikar sang ngalan ni Jehova.
Binagbinaga ang pila sa grabe nga kabutigan nga ginpalapta ni Satanas parte kay Jehova. Gin-akusahan niya si Jehova nga isa ka mapintas kag indi mapinalanggaon nga manuggahom. (Ge 3:1-6; Job 4:18, 19) Nagsiling si Satanas nga ang mga nagasimba kay Jehova wala nagapalangga sa Iya. (Job 2:4, 5) Madamo pa gani ang napapati niya nga indi si Jehova ang Manunuga sang tanan nga matahom nga butang diri sa duta.—Ro 1:20, 21.
Ano ang ginabatyag mo sa sini nga mga kabutigan? Sigurado nga gusto mo gid pangapinan kag dampigan si Jehova! Kabalo si Jehova nga gusto sang iya katawhan nga pakabalaanon ang iya ngalan. (Ipaanggid ang Isaias 29:23.) Ano ang puede mo himuon para mapakabalaan ang ngalan ni Jehova?
-
Buligi ang iban nga makilala kag higugmaon si Jehova. (Ju 17:25, 26) Isugid sa iban ang mga ebidensia nga nagapamatuod nga may Dios kag tudlui sila parte sa iya maayo nga mga kinaiya.—Isa 63:7
-
Higugmaa si Jehova sa bug-os mo nga tagipusuon. (Mat 22:37, 38) Tumana ang mga sugo ni Jehova indi lang bangod maayo ini para sa imo, kundi bangod gusto mo sia mapahalipay.—Hul 27:11
Ipatan-aw ang VIDEO nga Ang Gugma Wala Nagakapaslawan Bisan sang . . . Malain nga Impluwensia sa Eskwelahan. Dayon pamangkuta ang tumalambong:
-
Paano ginpangapinan nanday Ariel kag Diego ang ngalan ni Jehova?
-
Ngaa gusto nila pangapinan si Jehova?
-
Paano mo mailog ang ila halimbawa?
9. Pagtinuon sang Kongregasyon sa Biblia
(30 min.) bt kap. 15 ¶1-7 kag introduksion sa seksion 6
