Base sa isa ka bag-o nga survey nga ginhimo sa bilog nga kalibutan, a mga isa sa apat ka tawo ang nagabatyag sing kasubo.

•   “Ang bisan sin-o, bisan diin man nagaistar, kag ano man ang edad, puede magbatyag nga nagaisahanon kag wala sing suod nga abyan.”—Chido Mpemba, cochair of the World Health Organization’s Commission on Social Connection.

 Nagapensar ang iban nga ang mga may edad lang ukon ang mga nagaisahanon ang makabatyag sang kasubo. Pero ang mga bataon, mapagros sing lawas, ginakabig nga madinalag-on sa kabuhi, kag mga mag-asawa, mahimo man masubuan. Ang pag-isahanon kag kasubo makahalit gid sa lawas kag emosyon sang isa ka tawo.

•   “Ang kasubo indi lang basta isa ka indi manami nga balatyagon,” siling ni Dr. Vivek Murthy, U.S. surgeon general. Nagsiling sia: “Ang posibilidad nga mapatay bilang resulta sang pag-isahanon ukon wala sing suod nga abyan pareho sa posibilidad nga mapatay ang isa bangod sa pagpanigarilyo sing 15 ka sigarilyo kada adlaw.”

 Indi gusto sang aton Manunuga nga mag-isahanon kita. Ang katuyuan sang Dios amo nga malipay pirme ang mga tawo bangod sang maayo kag makalilipay nga mga kaupod.

•   Prinsipio sa Biblia: “Ang Dios nagsiling: ‘Indi maayo nga mag-isahanon lamang ang tawo.’”—Genesis 2:18.

 Gusto sang Dios nga mangin suod kita sa iya. Nagpromisa sia nga magapalapit sia sa aton kon magpalapit kita sa iya.—Santiago 4:8.

•   Prinsipio sa Biblia: “Malipayon ang mga mahunahunaon sa ila espirituwal nga kinahanglanon, kay ila ang Ginharian sang langit.”—Mateo 5:3.

 Gusto sang Dios nga simbahon naton sia kaupod ang iban. Kon himuon naton ini, nagabulig ini sa aton nga mangin mas malipayon.

•   Prinsipio sa Biblia: “Hunahunaon naton ang isa kag isa agod pahulagon sa gugma kag sa maayong mga buhat, nga wala ginapabay-an ang aton pagtilipon, . . . kundi nagapalig-unay sa isa kag isa.”—Hebreo 10:24, 25.

 Para sa dugang nga impormasyon para malikawan ang kasubo, basaha ang artikulo nga “Masubo Bisan Madamo sing Gadyet Para sa Komunikasyon.”