•   “Ginabanta nga katunga sang mga adulto sa United States ang nagasiling nga nakabatyag sila sang kasubo, ilabi na sa bataon nga mga adulto.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “Ang WHO nagpahibalo nga may gin-asayn sila nga grupo sang mga tawo para mag-research parte sa kasubo, nga isa ka nagalala nga problema sa panglawas, para tudluan ang mga tawo nga pauswagon ang ila relasyon sa iban, kag para makakita sang mas maayo nga mga paagi kon paano masolbar ang kasubo sang mga tawo sa tanan nga pungsod, bisan ano man sila ka pigado.”—World Health Organization, Nobiembre 15, 2023.

 Ang Biblia nagahatag sang laygay kon paano mangin maayo ang aton relasyon sa iban nga makabulig para indi kita masubuan.

 Likawi ang mga hilikuton nga magpain ka sa iban. Halimbawa, ang sobra nga paggamit sang social media. Mangita sang kahigayunan nga makapakig-upod sa mga tawo sing face-to-face para makakita ka sang matuod nga mga abyan.

•   Prinsipio sa Biblia: “Ang matuod nga abyan nagahigugma sa tanan nga tion, kag isa ka utod nga masaligan sa tion sang kalisdanan.”—Hulubaton 17:17.

 Mangita sang kahigayunan nga makabulig sa iban. Kon nagahimo kita sang maayo sa iban, nagapabakod ini sang aton relasyon sa ila kag nagapalipay man sa aton.

•   Prinsipio sa Biblia: “Mas malipayon ang nagahatag sangsa nagabaton.”—Binuhatan 20:35.

 Bisitahi ang amon website para sa dugang nga impormasyon halin sa Biblia kon paano makakita sang maayo nga mga abyan.