Nabudlayan gid ang madamo nga tawo sa bilog nga kalibutan nga makakita sang bastante nga kuarta para mabuhi sila, kag mas nagabudlay pa gid ini.

•   Base sa isa ka report sining karon lang sa nagakatabo sa bilog nga kalibutan, a naganubo na gid ang balor sang kuarta nga ginakita sang mga tawo. Nagapaandam ini nga kon wala sang pagbag-o nga himuon, magadaku pa gid ang antad sang pangabuhi sang mga manggaranon sa mga pigado kag magabudlay pa gid ang pagkabuhi sang madamo nga pamilya kon ikumparar sang una.

 Masolusyunan bala sang mga gobierno ining nagalala nga krisis sa ekonomiya, ukon mapahaganhagan bala nila ini?

 Ginasugid sang Biblia nga may isa ka gobierno nga makasarang kag gusto gid magsolbar sang tanan nga problema sa ekonomiya, lakip ang indi pareho nga sitwasyon sa pangabuhi. Nagasiling ini nga “ang Dios sang langit magatukod sing isa ka ginharian,” isa ka gobierno nga magadumala sa tanan nga butang diri sa duta. (Daniel 2:44) Sa paggahom sini nga gobierno diri sa duta, wala na sing malipatan ukon mapabay-an. (Salmo 9:18) Siguraduhon sang Ginharian sang Dios nga mahatag ang tanan nga kinahanglanon sang mga tawo para mangin malipayon sila. Ang tanan malipay sa mga resulta sang ila pagpangabudlay.—Isaias 65:21, 22.