PADAYON NGA MAGBANTAY!
Pagdamo sang mga Tin-edyer nga May Problema sa Mental Health—Ano ang Ginasiling sang Biblia?
Sang Lunes, Pebrero 13, 2023, ang Centers for Disease Control and Prevention (CDC) sa United States nagreport parte sa mental health sang mga tin-edyer sa U.S. Nagsiling ini nga sobra 40 porsiento sang mga estudyante sa hayskul ang pirme ginasubuan kag nagabatyag nga daw wala na sang paglaum.
“Bisan pa nakita na naton nga nagadamo ang mga tin-edyer nga may problema sa mental health sa sulod sang nagligad nga 10 ka tuig,” siling ni Dr. Kathleen Ethier, nga direktor sang Division of Adolescent and School Health (DASH) sang CDC, “mas malala subong ang mental health sang tin-edyer nga mga babayi kag madamo sa ila ang nagpensar nga maghikog, nagplano nga maghikog, ukon nagtinguha gid nga maghikog.”
Ang report nagsiling:
Sobra 1 sa kada 10 ka tin-edyer nga babayi (14 porsiento) ang ginpuersa nga mag-sex bisan indi nila gusto. “Makaalarma gid ini” siling ni Dr. Ethier. “Sa kada 10 ka babayi nga kilala mo, mahimo isa sa ila, ukon posible sobra pa, ang gin-rape.”
Halos 1 sa kada 3 ka tin-edyer nga babayi (30 porsiento) ang nagpensar gid nga maghikog.
Halos 3 sa kada 5 ka tin-edyer nga babayi (57 porsiento) ang pirme ginasubuan kag nagabatyag nga daw wala na sang paglaum.
Makapasubo gid ini nga report, kay dapat kon tin-edyer ka, malipayon ka. Ano ang makabulig sa mga tin-edyer nga masarangan ang stress subong? Ano ang ginasiling sang Biblia?
Ang Biblia may praktikal nga bulig para sa mga tin-edyer
Mabasa sa Biblia ang parte sa makapa-stress nga sitwasyon naton subong. Gintawag ini nga “makahalanguyos nga mga tion nga mabudlay atubangon.” (2 Timoteo 3:1-5) Pero, may laygay ang Biblia nga nagabulig sa minilyon ka tin-edyer sa bilog nga kalibutan nga masarangan ang mga kabudlayan nga ila ginaatubang subong. Binagbinaga ang masunod nga mga artikulo nga base sa Biblia.
Bulig para sa mga tin-edyer nga nagapensar nga maghikog
Bulig para sa mga tin-edyer nga may depresyon, ginasubuan, ukon pirme lang nagapamensar sang negatibo
Ano ang Himuon Ko Para Malikawan ang Pagpamensar sang Negatibo?
Indi Na Masinulub-on Kundi Malipayon (whiteboard animation)
Bulig para sa mga tin-edyer nga gina-bully ukon gina-cyberbully
Dauga ang Nagapangdaugdaug (whiteboard animation)
Bulig para sa mga tin-edyer nga nagaeksperiensia sang pagpangbastos kag seksuwal nga pag-atake
Ano ang Dapat Ko Mahibaluan Parte sa Seksuwal nga Pag-atake?—Bahin 1: Mga Pamaagi Para Makalikaw
Ano ang Dapat Ko Mahibaluan Parte sa Seksuwal nga Pag-atake?—Bahin 2: Pagbangon
Ang Biblia may praktikal nga laygay para sa mga ginikanan
Ang Biblia may praktikal nga laygay sa mga ginikanan para mabuligan nila ang ila mga tin-edyer nga maatubang ang mga kabudlayan sa kabuhi. Binagbinaga ang masunod nga mga artikulo nga base sa Biblia.
Basi Manamian Ka Man
ANG LALANTAWAN
Bilog Kalibutan nga Problema sa Mental Health
Ang mga problema sa hunahuna wala sang ginapili nga tawo bisan ano man ang edad ukon gindak-an. Hibalua kon paano ang Biblia makabulig sa imo mental health.
IMPORTANTE NGA MGA PANUDLO SANG BIBLIA
Ngaa Ginapasugtan sang Dios ang Pag-antos?
Madamo ang nagapamangkot kon ngaa nagadumtanay kag nagaantos ang mga tawo sa kalibutan. Ginasugid sang Biblia ang makalilipay kag makapaumpaw nga sabat.
GINPAATHAG ANG MGA BERSIKULO SA BIBLIA
Ginpaathag ang Salmo 23:4—“Bisan Nagalatas Ako sang Nalupyakan sang Landong sang Kamatayon”
Bisan sa pinakamabudlay nga bahin sang ila kabuhi, paano nabatyagan sang mga sumilimba sang Dios ang iya proteksion kag pag-atipan?
IMPORTANTE NGA MGA PANUDLO
Pagpakig-abyan sa Dios—Posible Bala?
Halin sang una, gusto sang madamo nga tawo nga makilala ang ila Manunuga. Ang Biblia makabulig sa aton para mangin abyan kita sang Dios. Para mangin abyan naton ang Dios dapat anay naton makilala ang iya ngalan.
SABAT SA MGA PAMANGKOT SA BIBLIA
Makakita Ka sang Makapaumpaw nga mga Tinaga sa Biblia
May mga bersikulo sa Biblia nga nakapaumpaw sa madamo nga ara sa mabudlay nga mga sitwasyon kag nagabatyag sang makapaluya nga mga emosyon.
PARTE SA AMON
Mag-request nga Kadtuan Ka
Istoryahi ninyo ang isa ka pamangkot sa Biblia, ukon ang dugang nga impormasyon parte sa mga Saksi ni Jehova.
