Ang amon hilikuton sa bilog nga kalibutan ginasuportahan paagi sa boluntaryo nga donasyon sang mga Saksi ni Jehova. a May mga contribution box sa amon ginatipunan, kag may iban pa nga paagi sa pag-donate nga makita sa Donasyon nga page. May opsyon ang isa kon gusto niya mag-donate para sa amon worldwide work, sa local expenses, ukon gusto niya nga mag-donate sa duha.

 Wala ginapatuman sa mga Saksi ni Jehova nga maghatag sila sing ikanapulo ukon mag-donate sing espesipiko nga kantidad ukon porsiento sang ila kita. (2 Corinto 9:7) Wala kami nagapangolekta ukon nagapanukot sa amon mga pagtilipon. Wala man nagapabayad ang amon mga ministro para sa bawtismo, lubong, kasal, ukon iban pa nga serbisyo sang amon relihion. Wala man kami nagatipon sang pondo paagi sa pagbaligya sang mga linuto kag mga gamit, pagpahampang sang binggo, may bayad nga mga palaguaon, mga dinner party, pa-raffle, ukon iban pa nga okasyon nga pareho sini, ukon naga-solicit sang donasyon. Kon may naghatag sing donasyon, wala namon ginasugid ukon ginapabalo sa iban kon sin-o ang naghatag. (Mateo 6:2-4) Ang amon mga website kag publikasyon wala sing mga advertisement para may kita ukon makakuarta kami.

 Ang kada kongregasyon sang mga Saksi ni Jehova may ara sing pinansial nga report kada bulan nga ginapahibalo sa ila mga pagtilipon, kag makita ini sang tanan. Ang pinansial nga rekord sang kada kongregasyon regular nga gina-audit para masigurado nga ang mga donation ginatatap sing maayo.—2 Corinto 8:20, 21.

•   Contribution box: Puede ka makahulog sing kuarta ukon tseke sa mga contribution box sa Kingdom Hall, Assembly Hall, ukon sa iban pa nga lokasyon nga ginahiwat ang amon pagtilipon.

•   Online donation: Sa madamo nga pungsod, puede mo gamiton ang “Donate to Jehovah’s Witnesses” nga page kon gusto mo mag-donate paagi sa credit card, debit card, bank transfer, kag iban pa nga electronic nga paagi. b Ang pila ka Saksi ‘nagapain’ kada bulan paagi sa pag-set sang sigesige nga donasyon nga ginagamit ang isa sa sini nga mga paagi.—1 Corinto 16:2.

•   Naplano nga paghatag. Ang pila ka paagi sang pag-donate nagakinahanglan sang abanse nga pagplano kag/ukon legal advice. Paagi sa sini nga pagplano, puede ka makapanginpulos sa mga tax benefit sa inyo pungsod. Madamo ang nakabenepisyo sang nabal-an nila ang parte sa mga charitable gift nga mahimo nila ihatag samtang buhi pa sila ukon ihatag sa ila ginpili nga benepisyaryo kon mapatay sila. Palihug kontaka ang branch office sang mga Saksi ni Jehova sa inyo lugar para sa dugang nga detalye kon gusto mo mag-donate paagi sa:

  •   bank account

  •   insurance kag retirement plan

  •   real estate

  •   stocks kag bonds

  •   will kag trust

 Para sa dugang nga impormasyon kon ano nga paagi sang pag-donate ang puede sa inyo lugar, tan-awa ang “Donate to Jehovah’s Witnesses” nga page.