Ang mga Saksi ni Jehova may ginatanyag nga praktikal nga paagi para matun-an mo kon ano ang ginatudlo sang Biblia. Ang amon programa sang pagtuon sang Biblia makabulig sa imo para:

•   Mangin malipayon ang imo kabuhi

•   Mangin abyan ka sang Dios

•   Matun-an mo ang mga promisa sang Biblia parte sa palaabuton

Sa sini nga pahina

•  Paano ginahimo ang pagtuon sa Biblia?

•  May bayad bala kon magtuon ako sing Biblia?

•  Daw ano kalawig ini nga pagtuon?

•  Ano ang himuon ko para makasugod ako sa pagtuon?

•  Puede ko bala anay testingan ang isa lang ka sesyon?

•  Kon magtuon ako sa Biblia, dapat gid bala nga mangin isa ako sa mga Saksi ni Jehova?

•  Puede ko bala gamiton ang akon mismo Biblia?

•  Puede ko bala hagaron ang iban nga mag-upod sa akon pagtuon?

•  Ano abi kon nag-Bible study na ako sa mga Saksi ni Jehova sang una? Puede bala ako mag-Bible study liwat?

•  May opsyon bala kamo nga puede ako mag-Bible study bisan wala sing isa ka tawo nga magtudlo sa akon?

 May isa nga magabulig sa imo para mangin pamilyar ka sa Biblia paagi sa pagbinagbinag sang mga topiko sa Biblia. Gamit ang Magkabuhi sing Wala Katapusan! nga interactive nga pagtuon sa Biblia, amat-amat mo nga matun-an kon ano ang ginatudlo sang Biblia kag kon paano makabulig sa imo ang mga ginatudlo sini. Para sa dugang nga impormasyon, tan-awa ini nga video.

 Wala. Ginasunod sang mga Saksi ni Jehova ang ginsugo ni Jesus sa iya mga disipulo: “Nakabaton kamo nga wala sing bayad, gani maghatag kamo nga wala sing bayad.” (Mateo 10:8) Dugang pa, wala sing bayad ang mga materyal nga imo tun-an pareho sang Biblia kag sang libro nga Magkabuhi sing Wala Katapusan!

 May ara 60 ka leksion sa sini nga pagtuon. Depende sa imo kon daw ano kadamo ang gusto mo nga tun-an ninyo sa kada pagtuon, pero madamo sang nagatuon ang nanamian nga tapuson ang isa ka leksion ukon sobra pa kada semana.

1.  1. Pil-api ang online form. Ang imo personal nga impormasyon nga ginpadala gamiton lamang para makontak ka sang isa sa mga Saksi ni Jehova suno sa imo ginapangabay.

2.  2. Kontakon ka sang isa nga magatudlo sa imo sa Biblia. Ipaathag sang isa nga magatudlo sa imo sa Biblia kon ano ang interactive nga pagtuon sa Biblia kag sabton niya ang imo mga pamangkot.

3.  3. Istoryahan ninyo sang magatudlo sa imo kon ano ang mga puede ninyo himuon sa imo pagtuon. Ang pagtuon puede himuon sa isa ka lugar nga updanay kamo ukon puede man paagi sa telepono, sa video call, sa sulat, ukon sa email. Sa kalabanan, mga isa ka oras igo matapos ang kada pagtuon, pero puede man ini mapalip-ot ukon mapalawig depende sa imo iskedyul.

 Huo. Para mahimo ini, pil-api ang online form. Kon kontakon ka sang isa nga magatudlo sa imo sa Biblia, pabal-a sia nga testingan mo lang anay ang pagtuon para mabal-an kon bala manamian ka sa sini. Gamiton niya ang Magkabuhi sing Wala Katapusan! nga brosyur nga may tatlo ka leksion. Ini nga mga leksion makabulig sa imo nga mausisa kon bala manamian ka sa pagtuon.

 Indi. Nanamian ang mga Saksi ni Jehova nga tudluan ang mga tawo parte sa Biblia, pero wala namon sila ginapilit nga magsulod sa amon relihion. Sa baylo, ginasugid kag ginapaathag lang namon kon ano ang ginasiling sang Biblia. Kay man para sa amon, ang kada isa may kinamatarong nga magdesisyon kon ano ang gusto niya patihan.—1 Pedro 3:15.

 Huo. Puede mo gamiton ang bisan ano nga translation sang Biblia nga gusto mo. Sa amon bahin, nanamian kami maggamit sing Bag-ong Kalibutan nga Badbad sang Balaan nga Kasulatan, kay sibu ini kag maathag. Pero kabalo kami nga gusto sang madamo nga tawo nga gamiton ang translation sang Biblia nga naandan nila kag ginarespeto namon ina.

 Huo. Mahimo mo hagaron ang imo bilog nga pamilya ukon ang bisan sin-o nimo nga abyan nga mag-upod sa imo pag-Bible study.

 Huo. Abi mo, mas manamian ka pa gid subong sa pag-Bible study. Kay man gin-update na ini para mabuligan ang mga tawo subong. Mas madamo na ini sang piktyur kag video kag mas interactive na ini subong kon ikumparar sa nagligad nga paagi sang pag-Bible study.

 Huo. Bisan ang kalabanan sang mga gusto mag-Bible study nanamian nga may isa nga magtudlo sa ila, naintiendihan namon nga mas gusto sang iban nga testingan nila ini anay sing personal ukon nga wala sing isa nga magabulig. Sa amon website may ara Bulig sa Pagtuon sa Biblia nga page. Nalista sa sina nga page ang pila ka tool nga makabulig sa imo pagtuon sa Biblia. Ari ang pila ka tool nga posible makabulig sa imo:

•   Video Parte sa Biblia. Ining malip-ot nga mga video nagapaathag sang importante nga mga panudlo sang Biblia.

•   Sabat sa mga Pamangkot sa Biblia. Ini nga mga artikulo nagasabat sang sarisari nga pamangkot parte sa Biblia.

•   Ginpaathag ang mga Bersikulo sa Biblia. Mabal-an mo diri ang kahulugan sang pila ka bersikulo kag sang mga ekspresyon sa Biblia.