Wala ginasikway sang mga Saksi ang mga kaupod nila nga indi na aktibo sa pagbantala, ukon wala na nagapakig-upod sa ila. Ang matuod, ginatinguhaan nila nga mapalig-on sila kag magbalik ang ila espirituwal nga interes.

 Wala nila gina-disfellowship ukon ginasikway gilayon ang mga nakahimo sing mabug-at nga sala. Pero, kon ang isa ka bawtismado nga Saksi padayon nga nagahimo sang supak sa moral nga pagsulundan sang Biblia kag wala nagahinulsol, ginasikway nila sia ukon gina-disfellowship. Ang Biblia maathag nga nagasiling: “Sikwaya ang malaut nga tawo sa tunga ninyo.”—1 Corinto 5:13.

 Paano kon ang gin-disfellowship may asawa kag kabataan nga mga Saksi ni Jehova? Magabag-o ang ila kaangtanan may labot sa ila pagsimba, pero magapabilin ang ila kaangtanan bilang pamilya. Magapadayon gihapon ang ila pag-asawahay, ang ila pagpalanggaanay, kag pagpakig-angot bilang isa ka pamilya.

 Puede gihapon makatambong sa amon mga miting ang mga gin-disfellowship. Kag kon gusto nila, puede man sila makabaton sing laygay base sa Biblia paagi sa mga gulang sa kongregasyon. Ang tuyo amo nga mabuligan sila nga mangin kalipikado liwat nga Saksi ni Jehova. Ang mga gin-disfellowship nga nag-untat sa paghimo sang supak sa moral nga pagsulundan sang Biblia kag nagapakita nga sinsero sa iya handum nga magkabuhi suno sa talaksan sini, handa gid nga ginabaton liwat bilang Saksi ni Jehova.