JW BROADCASTING
Pagpamati sang Audio sa Roku
Sa Audio nga seksion may collection sang mga audio, lakip ang musika, drama, kag gindrama nga pagbasa sa Biblia.
(Patalupangod: Ang remote control sang imo Roku mahimo nga lain ang hitsura sa diagram sa sini nga tutorial.)
Pilia ang Audio sa home screen para makita mo ang mga collection sang audio. Sunda ang mga instruksion sa ubos para makita mo kag mapamatian ini:
Pagpamati sa Audio Program
Ang kada raya isa ka collection sang mga audio program. Ang ngalan sang collection makita sa ibabaw sang raya.
Up kag Down: Gamita para makasaylosaylo ka sa lainlain nga collection.
Left kag Right: Gamita para maka-scroll sang mga audio program sa isa ka collection.
Tum-uka ang OK para makapili ka sang programa kag ma-load sa screen ang Audio Program Details.
Magpili sing isa sa masunod:
Resume: Ini nga opsyon makita lang kon wala mo matapos ang pag-play sang isa ka audio program. Kon pilion mo ini, ang audio program magapadayon kon diin ini anay nag-untat.
Play ukon Play from Beginning: Maga-play sang audio program halin sa umpisa.
Play All in the Collection: I-play ang tanan nga audio program sa ginbuksan mo nga collection, nga magasugod sa program nga makita sa screen. Mauntat lang ini kon matapos na ang tanan nga program sa sina nga collection.
Ang raya sa ubos sang Audio Program Details magapakita sang iban pa nga audio program sa nakabukas nga collection. Tum-uka ang Down para mabuksan ang collection, tum-uka ang Up para magbalik ang Audio Program Details screen.
Pagpamati sa Audio Collection
Imbes nga paandaron sing tag-isaisa ang audio, puede mo mapamatian sing pasunod ang tanan nga audio sa sina nga collection. Pangitaa ang audio collection nga gusto mo pamatian, dayon pilia ang isa sa masunod nga mga option:
Play All: I-play ang tanan nga audio program sa collection, sugod sa una nga audio program.
Shuffle: I-play ang tanan nga audio program sa collection sing indi pasunod.
Mauntat lang ini kon matapos na ang tanan nga program sa sina nga collection.
Pagkontrol sang Audio
Samtang nagaandar ang audio, puede mo ini makontrol paagi sa remote sang imo Roku:
Play/Pause ukon OK: I-pause ang audio. Tum-uka ang button para mag-andar liwat.
Skip Forward: Paabanteha sing pila ka segundo. Indi pagbuy-i para magalakat ini sing madasig sa bilog nga programa. Buy-i kon gusto mo na padayunon ang pag-andar.
Skip Back: Mag-atras sing pila ka segundo. Indi pagbuy-i para mag-atras ini asta sa umpisa sang audio program. Buy-i para magpadayon ini sa pag-andar.
Back: Magbalik sa Audio screen.
