Kon indi mo ma-install ang JW Library sa imo Android device halin sa official app store, pareho sang Google Play Store ukon Amazon Appstore, puede mo ini ma-install sing manual paagi sa JW Library Android package (APK).

Para ma-install ang JW Library APK, dapat mo anay i-enable sa setting sang imo device ang “install unknown apps” ukon “allow installation from unknown sources.” Para mabal-an mo kon paano ini himuon, tan-awa ang instruksion para sa imo Android device.

Sunda ang masunod nga mga paagi para ma-download kag ma-install ang JW Library APK:

1. I-click ang I-download nga button sa sini nga pahina para ma-save ang APK nga file sa imo device.

2. Pangitaa ang APK nga file sa imo device, dayon i-tap ang install JW Library.

Pagkatapos ma-install ang JW Library APK, i-check sing regular kon bala may bag-o nga bersion ang app. Para mahimo ini, sunda ang masunod nga mga paagi:

1. Buksi ang Settings sang JW Library para makita mo kon ano nga bersion ang nagadalagan sa imo device.

2. Kon ang version number sa imo device mas manubo sangsa version number sa idalom, i-download kag i-install ang APK file paagi sa pagsunod sa mga paagi nga ginsambit sa ibabaw.