JW LIBRARY
Pagbutang kag Paggamit sang mga Bookmark—sa Android
Paagi sa bookmark feature sang JW Library matandaan mo kon diin ka nag-untat basa sa publikasyon, pareho sang ribbon nga ginatanda mo sa libro. Ang kada publikasyon sa JW Library may 10 ka bookmark.
Sunda ang masunod nga mga instruksion sa paggamit sang bookmark:
Pagbutang sang Bag-o nga Bookmark
Puede mo matandaan ang artikulo ukon kapitulo, ukon parapo ukon bersikulo sa Biblia.
Para matandaan ang artikulo ukon kapitulo, i-tap ang Bookmark button. Kon magbukas ini, makita mo ang mga bookmark sa sina nga publikasyon. I-tap ang bakante nga bookmark para matandaan ang artikulo ukon kapitulo.
Para ma-bookmark ang isa ka parapo ukon bersikulo sang Biblia, i-tap ini anay, dayon i-tap ang Bookmark button sa context menu.
Pagbukas sang Bookmark
Para mabuksan ang bookmark, buksi anay ang publikasyon; dayon i-tap ang Bookmark button. I-tap ang bookmark nga gusto mo buksan.
Paggamit sang Imo mga Bookmark
Puede mo ma-delete ukon maislan ang bookmark nga ginbutang mo.
Para ma-delete ini, i-tap ang Bookmark button; dayon i-tap ang More button sa kilid sang bookmark nga gusto mo i-delete. I-tap ang Delete.
Para maislan ang bookmark, i-tap ang Bookmark button; dayon i-tap ang More button sa kilid sang bookmark nga gusto mo islan. I-tap ang Replace. Amo na ini ang imo bag-o nga tanda para matandaan mo kon diin ka na asta sa imo ginabasa. Halimbawa, matandaan mo kon diin ka na sa imo Bible reading.
Ini nga mga feature gin-release sang Mayo 2014 sa JW Library 1.2, nga puede sa Android 2.3 ukon ang pinakaulihi. Kon indi mo makita ini nga mga feature, palihug sunda ang mga instruksion sa artikulo nga “Kon Paano Gamiton ang JW Library—sa Android,” kag basaha ang Pinakabag-o nga mga Feature.
