JW LIBRARY
Pag-customize Para Mangin Komportable ang Pagbasa—sa Windows
May pila ka feature ang JW Library para mangin komportable ka sa pagbasa. Para makita ini nga feature, i-right click ukon i-swipe ang screen paidalom para magbukas ang App Commands bar.
I-tap ang More button para makita mo ang iban pa nga function sa commands bar.
Sunda ang masunod nga mga instruksion para mangin komportable ang imo pagbasa:
Pag-ilis sang Lenguahe
Puede mo maislan ang lenguahe sang kapitulo ukon artikulo nga imo ginabasa.
I-tap ang Languages button para makita mo ang tanan nga lenguahe sang imo ginabasa. Ang mga lenguahe nga pirme mo ginagamit makita sa pinakaibabaw. Puede mo man ma-type ang lenguahe nga ginapangita mo.
Ang mga lenguahe nga wala mo pa ma-download may cloud nga icon. I-tap ang lenguahe para ma-download ang publikasyon. Kon na-download mo na ang publikasyon, madula na ang cloud nga icon. I-tap liwat ang lenguahe para mabasa mo ini.
Pagpagamay Ukon Pagpadaku sang mga Letra
Ma-adjust mo ang kadakuon sang letra para mangin komportable ang imo pagbasa.
I-tap ang Text Settings button; dayon i-adjust ang slider para pagamayon ukon padakuon ang letra. Amo na ini ang mangin kadakuon sang letra sa tanan nga publikasyon.
Pagbukas sa Image Ukon Text View
Ang pila ka artikulo puede mabuksan subong image ukon text. Kon gusto mo ini baylubayluhon, i-tap ang button.
View Image: Ang image view pareho gid sa naimprinta nga publikasyon. Mas gusto ini sang iban, kay pareho sang songbook, makita nila ang mga nota.
View Text: Ang text view may link sang mga teksto nga puede i-tap kag ma-adjust ang kadakuon sang mga letra.
Open in Online Library
I-tap ang Open in Online Library button para mabuksan ang pahina nga ginabasa mo sa Watchtower ONLINE LIBRARY.
Pag-customize sang mga Biblia
Kon i-tap mo ang teksto sa publikasyon, magua ang mga bersikulo. I-tap ang Customize button sa ubos para makapili ka kon diin sa mga gin-download mo nga Biblia ang gusto mo makita.
I-tap ang Add ukon Remove kon gusto mo dugangan ukon kuhaon ang translation. I-drag ang Biblia para mapasunod ini sa gusto mo.
Tan-awa ang “Pag-download kag Paggamit sang Biblia—sa Windows” para matun-an mo kon paano maka-download sang dugang nga Biblia sa JW Library.
Ini nga mga feature gin-release sang Marso 2015 sa JW Library 1.4, nga puede sa Windows 8.1 ukon mas ulihi. Kon indi mo makita ini nga mga feature, palihug sunda ang mga instruksion sa artikulo nga “Kon Paano Gamiton ang JW Library—sa Windows,” kag basaha ang Pinakabag-o nga mga Feature.
