JW.ORG WEBSITE
Magpangita sa Website
Ginatos ka text, audio, kag video nga materyal ang available sa LIBRARY nga seksion sang jw.org. Sunda ang mga tip sa sini nga artikulo para makita ang gina-search mo.
Gamita ang Search nga feature
Para makita ang mga artikulo, video, kag iban pa gamita ang Search nga feature.
Sa Search field, i-type ang mga tinaga ukon phrase nga ginapangita mo, dayon tum-uka ang Enter ukon i-click ang Search nga button. Kon nahibaluan mo ang pila ka tinaga ukon phrase sa publikasyon nga ginapangita mo, i-type ini tanan. Posible nga maggua ang ginapangita mo sa pinakaibabaw sang listahan sang mga resulta.
Kon madamo gid ang mga resulta, puede mo ini buhinan paagi sa masunod nga mga option:
Magpili sang filter option sa ibabaw sang Search nga pahina. Halimbawa, pilia ang Videos para mga video lang ang maggua.
I-click ang Tanan sa isa ka kategoriya para maggua ang mga resulta sa sina lang nga kategoriya.
Kon ang imo ginapangita ara sa Watchtower ONLINE LIBRARY pero wala sa jw.org makita man ini sa Search nga pahina.
Pangitaa ang tig-ulo sang publikasyon
Kon nahibaluan mo ang tig-ulo, ukon pila lang ka tinaga sang tig-ulo sang isa ka publikasyon, sunda ang mga instruksion sa ubos para mahapos mo ini makita.
Magkadto sa LIBRARY > LIBRO KAG BROSYUR.
Sa drop-down list nga Tanan i-type ang isa ka tinaga sa tig-ulo sang publikasyon nga ginapangita mo. Halimbawa, kon ginapangita mo ang Ginatudlo sa Aton nga libro, i-type ang “ginatudlo” para ang maggua amo lamang ang mga publikasyon nga may “ginatudlo” sa tig-ulo. Pilia ang tig-ulo sang libro nga ginapangita mo.
I-click ang Search nga button.
Pangitaa ang isa ka gua sang magasin
Magkadto sa LIBRARY > MAGASIN.
Sa una nga pahina, makita mo ang tig-apat ka pinakabag-o nga gua sang Magmata! kag Ang Lalantawan (publiko nga edisyon) kag ang walo ka pinakabag-o nga gua sang tulun-an nga edisyon sang Ang Lalantawan. Para makita ang magasin nga gusto mo, sunda ang masunod:
Sa drop-down list, pilia ang edisyon kag tuig sang magasin.
I-click ang Search nga button.
Tan-awa ang mga option sa pag-download sang isa ka publikasyon
Sa pila ka pahina may duha ka paagi sa pag-display sang mga publikasyon—grid view kag list view.
I-click ang Grid View nga button para makita ang available nga mga publikasyon nga ginpasunod halin sa wala pa tuo. Amo ini ang naka-default nga display.
I-click ang List View button para makita ang available nga mga publikasyon nga ginpasunod halin sa ibabaw paubos.
Makita sa kada publikasyon ang piktyur sang kober, tig-ulo, kag ang available nga mga option sa pag-download.
I-click ang tig-ulo para mabasa mo ini online.
I-click ang Text Options nga button para magbukas ang Mag-download nga window.
Ang pila ka publikasyon puede ma-download sa sarisari nga pormat, pareho sang PDF kag JWPUB. May mga publikasyon man nga sarisari sing edisyon pareho sang regular kag dalagku sing letra.
Pilia ang pormat kag edisyon nga gusto mo i-download.
I-click ang Audio nga button para magbukas ang Mag-download nga window. Pilia ang audio nga gusto mo i-download.
I-click ang Video nga button para magbukas ang Mag-download nga window. Pilia ang video nga gusto mo i-download.
