Paano Ko Maproteksionan ang Akon Kaugalingon Kon Ginabastos Ako?
Ang sabat sang Biblia
Binagbinaga ining praktikal nga mga suhestyon base sa kaalam nga ara sa Biblia:
Mangin propesyonal. Mangin mainayuhon kag matinahuron sa imo mga kaupod sa trabaho. Pero likawi ang sobra nga pagpakigsuod nga daw nagapakita nga ginabaton mo ang ila seksuwal nga interes sa imo.—Mateo 10:16; Colosas 4:6.
Magpamayo sing maugdang. Ang pagsuksok sing seksi nga mga bayo magaresulta sa malain nga impresyon. Ang Biblia nagasiling nga magpamayo sing “may kaugdang kag maligdong nga hunahuna.”—1 Timoteo 2:9.
Magpili sing maayo nga mga abyan. Kon nagapakig-upod ka pirme sa mga tawo nga nanamian ukon nagabalewala lang sang mga nagapa-flirt ukon nagabastos sa ila, mahimo nga himuon man sa imo ang ginahimo sa ila.—Hulubaton 13:20.
Likawi ang binastos nga pag-istoryahanay. Maghalin kon ang ginaistoryahan sang imo mga upod “binastos, ukon binuang nga hinambal, ukon malaw-ay nga linahog.”—Efeso 5:4, Ang Biblia, HIL.
Likawi ang alang-alang nga mga sitwasyon. Halimbawa, indi magpasugot kon hagaron ka nga magpabilin sa inyo ulubrahan pagkatapos sang obra kon indi gid importante ang rason.—Hulubaton 22:3.
Mangin malig-on kag prangka. Kon ginabastos ka, hambali ang nagabastos sa imo nga indi mo gusto ang iya ginahimo. (1 Corinto 14:9) Halimbawa, makasiling ka: “Untati ang pagsagi sag-idsag-id sa akon, kay nasaw-ahan ako.” Puede mo man sulatan ang nagabastos sa imo. Isulat kon ano ang natabo, kon ano ang imo ginbatyag, kag kon ano ang gusto mo nga himuon. Ipaathag nga ang imo panindugan nabase sa imo moral kag relihioso nga pagpati.—1 Tesalonica 4:3-5.
Mangayo sing bulig. Kon indi gid mag-untat ang nagabastos sa imo, isugid ini sa imo ginasaligan nga abyan, kapamilya, ukon sa imo kaupod sa obra ukon sa isa nga nagabulig sa mga biktima. (Hulubaton 27:9) Madamo nga biktima sang pagpangbastos ang nabuligan sang pangamuyo. Bisan wala mo pa matilawan nga magpangamuyo, mabuligan ka gid ni Jehova, “ang Dios nga may bug-os nga paglugpay.”—2 Corinto 1:3.
Bangod sa pagpangbastos, minilyon ang ginabudlayan sa ila trabaho, pero makabulig ang Biblia.
Basi Manamian Ka Man
PAMANGKOT SANG MGA PAMATAN-ON
Ano ang Himuon Ko Kon Ginabastos Ako?
Hibalua kon ano ang nalakip sa pagpangbastos kag kon ano ang imo himuon kon mabiktima ka sini.
PAMANGKOT SANG MGA PAMATAN-ON
Ano ang Dapat Ko Mahibaluan Parte sa Seksuwal nga Pag-atake?—Bahin 1: Mga Pamaagi Para Makalikaw
Tatlo ka paagi nga makabulig sa imo para indi mabiktima sang seksuwal nga pag-atake.
ANG GINASILING SANG IBAN
Ang Ginasiling sang mga Pamatan-on Parte sa Pagpangbastos
Hibalua ang ginsiling sang lima ka tin-edyer parte sa pagpangbastos kag kon ano ang himuon kon matabo ini sa imo.
ANG LALANTAWAN
Mga Problema sang mga Babayi
Sa bilog nga kalibutan, apektado sang kasingki kag diskriminasyon ang bilog nga kabuhi sang mga babayi. Ngaa?
PANUDLO SANG BIBLIA
Testingi ang Amon Pagtuon sa Biblia
Testingi ang libre nga interactive nga pagtuon sa Biblia upod sa isa ka instruktor.