PAMANGKOT SANG MGA PAMATAN-ON
Ngaa Indi Ako Pagsugtan sang Akon mga Ginikanan nga Magpangalipay?
Gin-invite ka sang imo mga abyan nga magkadto sa isa ka party sini nga weekend. Ginpamangkot mo ang imo mga ginikanan kon puede ka kakadto, pero nagsabat sila nga, “Indi.” Wala ka na nakibot. Amo man sina ang ila sabat sang nagligad.
Sa sini nga artikulo
Ngaa pirme na lang nagapangindi ang akon mga ginikanan?
Kon pamatyag mo pirme nagapangindi ang imo mga ginikanan kon may ginalisensia ka, basi pamensaron mo nga indi ka nila gusto nga magpangalipay.
Amo ina ang ginbatyag sang isa ka tin-edyer nga si Marie sang naka-cellphone sia. Siling niya: “Kadamo gid sang mga rule ni Tatay parte sa kon ano nga app ang puede ko ma-download, kon sin-o ang puede ko makontak, kag kon asta ano oras ko sila puede maistorya. Pero, ang akon mga friends ’ya makapagusto!”
Pamensari ini: Indi gid bala gusto sang tatay ni Marie nga mangalipay sia? Ano pa gid ayhan ang mga ginakabalak-an sang iya tatay?
Testingi ini: Imadyina nga isa ikaw ka ginikanan, kag may tin-edyer ka nga bata nga bag-o lang naka-cellphone. Ano ayhan ang imo mga kabalaka parte sa imo bata? Ano ayhan ang mga rule nga imo ipatuman para maproteksionan ang imo bata? Ano ayhan ang imo ihambal kon ang imo bata magsiling nga indi mo sia gusto magpangalipay?
“Pirme nagasiling si Tatay, ‘Imadyina bala ang imo kaugalingon nga ikaw ang ginikanan.’ Nakabulig ini sa akon nga makita kon ngaa importante ang iya mga rule kag ang mga rason sini. Kon may mga bata man ako, pamatyag ko amo man ini ang paabuton ko nga himuon nila pareho sa ginapahimo sa akon ni Tatay.”—Tanya.
Ano ang akon himuon para magpasugot ang akon mga ginikanan?
“Kon magpaninggit ka, wala ka gid sang may makuha, kay makapoy ka lang kag pati man ang imo mga ginikanan. Kon makigbais ka, pamensaron sang imo mga ginikanan nga wala ka pa buot kag indi ka pa masaligan.”—Richard.
“May ara gid pirme sang maayo nga rason ang akon mga ginikanan sa tanan nga rule nga ginapatuman nila. Wala ’ko nila ginapunggan nga mangalipay; gusto lang nila ang pinakamaayo para sa akon. Gusto nila mag-enjoy ako nga wala sang matabo nga malain.”—Ivy.
Prinsipio sa Biblia: “Ang buangbuang wala nagapugong sang iya balatyagon, apang ginapunggan ini sang maalamon nga tawo.”—Hulubaton 29:11.
“Wala kabalo si Tatay nga wala ko na ginasunod ang iya mga rule parte sa paggamit sang cellphone. Nangita ako sang paagi para makontak ko ang akon mga friends bisan gab-i na ukon naga-download ako sang mga app nga wala ’ko ginpasugtan ni Tatay nga i-download. Sang ulihi, nabal-an niya ini, kag mas gin-estriktuhan pa gid niya ako kay nadula na ang iya pagsalig sa akon. Indi gid maayo kon indi naton pagsundon ang ila mga ginapatuman.”—Marie.
“Mangin mapinasensiahon. Posible nga indi dayon pagbag-uhon sang imo mga ginikanan ang ila rule, pero kon makita nila nga ginasunod mo ini, basi mas saligan ka nila.”—Melinda.
Prinsipio sa Biblia: “Mangin matinumanon kamo sa inyo mga ginikanan sa tanan nga butang.”—Colosas 3:20.
“Kon sige mo pilit ang imo mga ginikanan, indi gid ini makabulig sa imo nga mahimo ang gusto mo.”—Natalie.
“Gusto makita sang imo mga ginikanan nga makahimo ka sang insakto nga desisyon. Gani kon nagaistorya ako sa akon mga ginikanan, ginaplastar ko sing maayo ang akon mga rason imbes nga magpadala sa akon emosyon. Kon himuon ko ina, mas ginapasugtan nila ako.”—Joseph.
Prinsipio sa Biblia: “Padunggi ang imo amay kag ang imo iloy.”—Efeso 6:2.
Basi Manamian Ka Man
PAMANGKOT SANG MGA PAMATAN-ON
Paano Ko Maistorya ang Akon mga Ginikanan Parte sa Ila mga Patakaran?
Tun-i nga maghambal nga may pagrespeto sa imo mga ginikanan kag mahimo makibot ka sa maayo nga mga resulta.
WORKSHEET
Pagbinagbinag sa mga Pagsulundan
Binagbinaga ang mga pagsulundan nga nabudlayan ka magtuman.
WHITEBOARD ANIMATION
Paano Ako Mahatagan sing Dugang nga Kahilwayan?
Pamatyag mo dapat tratuhon ka sang imo ginikanan nga indi na bata, pero para sa ila indi ka pa handa. Ano ang himuon mo para saligan ka nila?
PAMANGKOT SANG MGA PAMATAN-ON
Kinahanglan Gid Bala ang mga Pagsulundan sa Balay?
Nabudlayan ka bala magtuman sa pagsulundan sang imo mga ginikanan? Ari ang pila ka tip nga makabulig para mangin eksakto ang imo pagtan-aw sa mga butang.
ANG GINASILING SANG IBAN
Paano Ko Istoryahon ang Akon mga Ginikanan?
Ang mga benepisyo mahimo labaw pa sangsa ginapaabot mo.
PAMANGKOT SANG MGA PAMATAN-ON
Ano ang Himuon Ko Para Saligan Ako sang Akon mga Ginikanan?
Tatlo ka praktikal nga butang nga puede mo himuon para saligan ka pa gid sang imo mga ginikanan.
