Vim li cas peb yuav tsum npaj ua ntej? Peb txhua tus yuav muaj mob muaj nkeeg, raug mob thaum twg los yeej tsis paub. Yog li zoo rau peb npaj kom txhij es thaum ti tes ti taw peb thiaj paub txiav txim tias, yuav xaiv txoj kev kho mob twg. Yog peb npaj ua ntej, peb yuav qhia rau Yehauvas tias peb saib taus txoj sia thiab hwm nws txoj cai txog ntshav.​—Tes Haujlwm 15:28, 29.

Koj yuav npaj li cas?

• Thov Vajtswv pab thiab muab txhua yam sau cia rau koj daim ntawv tso cai (DPA). a Yog tus tshaj tawm twg xav tau daim ntawv tso cai los sis daim ntawv uas qhia tias niam txiv tso cai (ic), mus nug tus kwv tij uas tuav tej ntaub ntawv hauv lub koom txoos

• Yog koj muaj me nyuam hauv plab, kom cov txwj laug muab daim ntawv uas qhia tias yuav npaj li cas thaum suab me nyuam (S-401) rau koj. Daim ntawv no pab kom koj paub npaj paub txiav txim, thaum koj tseem suab me nyuam thiab thaum koj los so

• Yog koj yuav mus phais mob los sis yuav tau mus pw hauv tsev kho mob ces qhia rau koj cov txwj laug paub ua ntej. Kuj zoo rau koj qhia rau tsev kho mob paub tias, yog cov txwj laug uas sawv cev rau Yehauvas Cov Tim Khawv tuaj xyuas koj los koj yeej tso cai

Cov txwj laug yuav pab koj li cas? Lawv piav seb daim ntawv tso cai hais li cas rau li cas, koj thiaj paub tias yuav sau li cas. Tab sis, kev txiav txim siab yog nyob ntawm koj, lawv yuav tsis xaiv ib txog kev kho mob twg rau koj. (Loos 14:12; Kalatias 6:5) Yog koj mus kho mob es koj tus mob muaj feem xyuam nrog ntshav ces qhia rau koj cov txwj laug paub. Lawv mam qhia kiag tam sid mus rau pab kwv tij uas sawv cev kev kho mob (HLC).

Pab kwv tij sawv cev kev kho mob yuav pab koj li cas? Cov kwv tij no twb tau txais kev cob qhia kom lawv txawj mus nrog tej tsev kho mob, tej kws lis plaub ntug tham tias, vim li cas peb tsis txais ntshav. Yog li, lawv kuj mus nrog tau koj cov kws kho mob tham seb koj txais tau yam kev kho mob twg xwb. Ntxiv ntawd, lawv kuj pab tau koj nrhiav cov kws kho mob uas yeem kho koj tus mob raws li koj txoj kev ntseeg.

SAIB ZAJ YEEB YAJ KIAB TEJ KEV KHO MOB UAS SIV NTSHAV, KOJ YUAV UA LI CAS? CES TEB LO LUS NO:

• Zaj no pab kom peb npaj li cas ua ntej muaj mob ceev?

  Lus teb