Peb yeej xav ua txhua yam kom haum Yehauvas siab. (Pajlug 27:11) Tab txawm tsis muaj ib txog cai qhia tsi ntsees tias peb yuav tsum ua li cas los, peb yuav tsum paub txiav txim. Yog li, peb yuav ua li cas thiaj paub txiav txim zoo?

Nyeem Vajtswv Txoj Lus txhua hnub. Thaum twg peb nyeem nws Txoj Lus ces zoo li peb siv sij hawm nrog nws ua ke. Yuav kom peb txawj xav li Yehauvas, peb yuav tsum kawm seb nws coj li cas rau nws haiv neeg, thiab kawm txog cov uas coj zoo coj phem. Ua li no, thaum peb yuav tau txiav txim siab txog ib yam dab tsi los, lub hwj huam thiaj yuav pab peb nco tej uas peb kawm, thiab tej hauv paus ntsiab lus hauv phau Vajlugkub.​—Yauhas 14:26.

Tshawb nrhiav. Yog koj yuav tau txiav txim siab txog ib yam twg, nug koj tus kheej li no, ‘Nqe Vajlugkub twg los sis zaj twg hauv phau Vajlugkub thiaj yuav pab kom kuv pom tias Yehauvas xav li cas?’ Thov Yehauvas pab koj, thiab siv cov twj nrhiav Vajlugkub ua koj yam lus los tshawb nrhiav seb, koj yuav tsum ua li cas thiaj ua haum Vajtswv siab.​—Phau Ntawv Nkauj 25:4.

SAIB ZAJ YEEB YAJ KIAB PEB YUAV TSUM “UA SIAB NTEV THEV SIB TW DHIA”​—NOJ ZOO CES TEB COV LUS NO:

• Lwm tus txhawb kom tus muam no ua li cas?

  Lus teb

• Yog lwm tus txhob koj li no, cov twj nrhiav Vajlugkub yuav pab tau koj li cas?

  Lus teb

• Yog peb qee sij hawm los tshawb nrhiav tej ntaub ntawv Vajlugkub thiab kawm Vajlugkub, yuav pab tau peb li cas?​—Henplais 5:13, 14

  Lus teb