Lub 1 Hlis Tim 8-14
YAUJ 34-35
Hu Zaj Nkauj 30 Thiab Thov Vajtswv | Tos Txais (1 feeb)
1. Thaum Tus Neeg Ncaj Ncees Raug Txom Nyem
(10 feeb)
Yehauvas tsis yog tus uas ua kom muaj kev tsis ncaj ncees (Yauj 34:10; wp19.1 8 ¶2)
Txawm zoo li cov neeg phem nyob tso siab plhuav los Yehauvas yeej saib ntsoov tej uas lawv ua (Yauj 34:21-26; w17.04 11 ¶5)
Yuav kom peb pab tau cov neeg uas raug kev tsis ncaj ncees, peb yuav tau qhia txog Vajtswv Yehauvas rau lawv (Yauj 35:9, 10; Mathais 28:19, 20; w21.05 7 ¶19-20)
2. Tshawb Nrhiav Tej Lus Nyiaj Lus Kub
(10 feeb)
Hauv Yauj 35:7, Elihus nug tias, ‘Vajtswv tau txais dab tsi ntawm koj txhais tes?’ Thaum nws nug li ntawd, nws nug li cas tiag? (w17.04 28 ¶3)
Thaum nyeem Vajlugkub lub lim tiam no, koj tshawb nrhiav pom li cas?
3. Nyeem Cov Nqe Vajlugkub
(4 feeb) Yauj 35:1-16 (th zaj kawm 10)
4. Pib Nrog Luag Tham
(3 feeb) MUS IB LUB TSEV RAU IB LUB. Nug seb nws puas xav kawm Vajlugkub. (lmd zaj kawm 10 lub ntsiab me 3)
5. Pib Nrog Luag Tham
(4 feeb) QHIA VAJLUGKUB THAUM MUS UB MUS NO. Qhia ib tug uas muaj me nyuam seb nws yuav mus nrhiav kev pab rau cov ua niam ua txiv hauv jw.org/hmn li cas. (lmd zaj kawm 1 lub ntsiab me 4)
6. Pab Lawv Los Ua Thwj Tim
Hu Zaj Nkauj 58
7. Koj Puas ‘Muab Siab Rau Qhia Vajtswv Txoj Lus’ Thaum Mus Ub Mus No?
(15 feeb) Lus qhuab qhia thiab lus teb.
Povlauj txhawb kom Timautes ‘muab siab rau qhia Vajtswv Txoj Lus.’ (2 Timautes 4:2) Cov Kilis muab lo lus “muab siab rau” los piav txog cov tub rog thiab cov tub zov rooj vag uas npaj txhij ua lawv tes hauj lwm. Lo lus no kuj qhia txog qhov uas peb npaj txhij qhia txoj xov zoo rau lwm tus thaum peb nrog lawv tham thiab.
Yog peb hlub thiab ris Yehauvas txiaj ntsig rau tej uas nws ua pub rau peb ces yuav ua rau peb xav qhia txog nws tej yeeb yam qhuas lug rau lwm tus.
Nyeem Phau Ntawv Nkauj 71:8. Ces nug li no:
Koj xav qhia tej yam twg txog Yehauvas rau lwm tus?
Qhov uas peb hlub tib neeg yuav ua rau peb muaj siab xav qhia txog Vajtswv rau lawv thaum peb mus ub mus no.
Tso zaj YEEB YAJ KIAB Tsheej Puas Leej Nrhiav Tau Qhov Tseeb. Ces nug li no:
Qhov uas tus kwv tij qhia Vajlugkub tom nws qhov chaw ua hauj lwm pab tau tsheej puas leej los paub qhov tseeb li cas?
Thaum cov tswv cuab ntawd los kawm paub qhov tseeb, ho pab tau lawv li cas?
Qhov uas peb hlub tib neeg pab tau peb muaj siab xav qhia txog Vajtswv rau lwm tus li cas?
Ua li cas koj ho xav tias qhov uas peb qhia Vajlugkub thaum mus ub mus no yog ib txoj ke uas pab tau tib neeg los paub Vajtswv?
