Koj puas yog ib tug hluas? Koj puas yog ib tug tabtom kawm Vajlugkub? Koj puas tau xav hais tias koj yuav ua kevcai raus dej? Thaum koj cob koj tus kheej thiab ua kevcai raus dej, twb yog qhib txojke los nrog Yehauvas sib raug zoo. (Phau Ntawv Nkauj 91:1) Yog koj ua li no, yuav cawm tau koj txojsia. (1 Petus 3:21) Yuav ua li cas koj thiaj txog qib no?

Yog koj xav paub ib yam twg hauv phau Vajlugkub, kav tsij mus tshawb nrhiav kom thiaj paub qhov tseeb. (Loos 12:2) Ua tib zoo saib koj lub neej seb tseem tshuav dabtsi koj tsis tau hloov. (Pajlug 27:11; Efexus 4:23, 24) Nco ntsoov thov Yehauvas pab, koj thiaj hloov tau. Yehauvas yuav siv nws lub hwj huam dawb huv los pab koj. (1 Petus 5:10, 11) Yog koj txiav txim siab coj lub neej no, koj yeej yuav tsis khuvxim ib qho li. Teev tiam Yehauvas yog yam zoo tshaj plaws!​—Phau Ntawv Nkauj 16:11.

SAIB ZAJ YEEB YAJ KIAB THAUM XAV UA KEV CAI RAUS DEJ, TOM QAB SAIB TAG NUG LI NO:

• Ua ntej ib txhia ua kevcai raus dej, lawv tau hloov lawv lub neej li cas?

• Ib txhia ua li cas kom lawv muaj kev ntseeg, lawv thiaj xav muab lawv lub neej cob rau Yehauvas?

• Yam twg txhawb ib txhia ua kevcai raus dej?

• Cov uas txiav txim siab los teev tiam Yehauvas tau tej koob hmoov twg?

• Qhov uas muab koj tus kheej cob rau Yehauvas thiab ua kevcai raus dej yog li cas?