Ib xyoos puag ncig rov qab los txog lub caij ua kevcai nco txog Yexus lawm. Koj puas yuav npaj siab mus tshaj tawm kom ntau dua ntxiv? (2 Kauleethaus 5:14, 15) Yog tsis muaj dabtsi khuam tes khuam taw, kav tsij mus pab ua ib tug pab tho kev thaum lub 3 Hlis thiab 4 Hlis ntuj. Tsuas siv li 30 mus rau 50 txoos teev xwb. Cia li mus cuag Pab Kwvtij Uas Sawv Cev Cov Txwj Laus es rau npe. Ob lub hlis no, yuav muab cov pab tho kev lub npe tshaj tawm rau lub koom txoos paub kom sawvdaws thiaj tau sib pab sib txhawb pis nroos. Kav tsij txhawb li nej txhawb tau rau lub sijhawm ua kevcai nco txog Yexus, ib leeg thiaj txhawb tau ib leeg lub zog.​—1 Thexalaunikes 5:11.