RAU SIAB UA VAJTSWV TES HAUJLWM TEJ YUAV PAB KOJ KUB SIAB TSHAJ TAWM
Pab Cov Koj Qhia Mus Kev Sib Txoos
Tej kev sib txoos tseem ceeb heev thiab yog ib feem ntawm peb txojkev pe hawm Yehauvas. (Phau Ntawv Nkauj 22:22) Cov uas sau ua ke tuaj teev tiam Yehauvas yuav muaj kev zoo siab thiab tau txais nws tej koob hmoov. (Phau Ntawv Nkauj 65:4) Yog cov kawm rau siab ntso mus koom kev sib txoos, lawv yuav haj yam paub phau Vajlugkub zoo zuj zus tuaj.
Koj yuav txhawb tus uas koj qhia tuaj kev sib txoos li cas? Rau siab ntso caw nws. Tso zaj yeeb yaj kiab Mus Ua Dabtsi Tom Tsev Nceeg Vaj? rau nws saib, thiab qhia nws tias tej kev sib txoos yuav pab tau nws li cas. (lff zaj kawm 10) Koj kuj qhia nws txog tej yam uas koj kawm tau lossis txog tej yam uas nej yuav kawm tom koom txoos. Muab tej ntaub ntawv uas nej yuav kawm rau nws. Pab li koj pab tau kom nws tuaj koom. Yog nws tsis muaj tsheb mus thauj nws. Tsuav koj pab tau nws tuaj ib zaug xwb ces yeej pab nws lawm ntau.—1 Kauleethaus 14:24, 25.
SAIB ZAJ YEEB YAJ KIAB PAB COV KOJ QHIA KOM LAWV MUS TEJ KEV SIB TXOOS CES TEB COV LUS NUG NO:
-
Maiv Xis hais li cas thiaj caw tau Iab mus kev sib txoos?
-
Vim li cas peb zoo siab ua luaj thaum tus peb qhia tuaj kev sib txoos?
-
“Vajtswv nrog nraim nej tiag tiag li”
Thawj zaug Iab mus kev sib txoos, nws pom li cas xwb?
