RAU SIAB UA VAJTSWV TES HAUJLWM | TEJ YUAV PAB KOJ KUB SIAB TSHAJ TAWM
Qhia Cov Kawm Kom Lawv Txawj Tsav Kev Ntseeg Ntxiv
Yuav kom cov uas peb qhia txojkev ntseeg loj hlob, lawv yuav tsum tsis txhob tos peb qhia lawv nkaus xwb. (Mathais 5:3; Henplais 5:12–6:2) Lawv yuav tau nrhiav kev los tsav lawv txojkev ntseeg thiab.
Thaum koj pib qhia Vajlugkub rau ib tug twg, txhawb kom nws npaj ua ntej koj mus qhia nws. (mwb18.03 6) Qhia kom nws thov Vajtswv thaum nws npaj. Qhia kom nws paub siv tej twj tshawb nrhiav thiab mus saib seb muaj dabtsi tawm tshiab hauv jw.org thiab JW Tshooj TV. Txhawb nws nyeem phau Vajlugkub txhua txhua hnub, npaj rau tej kev sib txoos, thiab hais kom nws ua tib zoo xav txog tej uas nws kawm.
SAIB ZAJ YEEB YAJ KIAB PAB COV KOJ QHIA KOM LAWV TXAWJ TSAV LAWV TXOJKEV NTSEEG, TOM QAB SAIB TAG TEB COV LUS NUG NO:
-
Maiv Xis hais li cas kom Iab pom tias kev kawm tsis yog kawm kom to taub xwb?
-
Dabtsi pab tau Iab nkag siab txog qhov uas Yehauvas txwv tsis pub ua kev nkauj kev nraug?
-
Pab tus koj qhia kom nws muab tej uas nws kawm ua tib zoo xav thiab siv rau hauv nws lub neej
Iab nkag siab li cas txog qhov uas nws ua tib zoo xav?
