Lub 12 Hlis Tim 23-29
PHAU NTAWV NKAUJ 119:121-176
Hu Zaj Nkauj 31 Thiab Thov Vajtswv | Tos Txais (1 feeb)
1. Yuav Zam Kev Nyuaj Siab Li Cas
(10 feeb)
Nyiam Vajtswv tej kev cai (Phau Ntawv Nkauj 119:127; w18.06 16 ¶5-6)
Ntxub txhua yam kev txhaum (Phau Ntawv Nkauj 119:128; w93-E 4/15 17 ¶12)
Mloog Yehauvas lus, zam tsis txhob ua txhaum li “cov neeg ruam” uas tsis muaj tswv yim (Phau Ntawv Nkauj 119:130, 133; Pajlug 22:3)
UA ZOO XAV, ‘Kuv yuav tau ua li cas kom kuv thiaj nyiam Vajtswv tej kev cai thiab ntxub tej kev txhaum?’
2. Tshawb Nrhiav Tej Lus Nyiaj Lus Kub
(10 feeb)
-
Phau Ntawv Nkauj 119:160—Raws li nqe no hais, peb tso siab tau li cas? (w23.01 2 ¶2)
-
Thaum nyeem Vajlugkub lub lim tiam no, koj tshawb nrhiav pom li cas?
3. Nyeem Cov Nqe Vajlugkub
(4 feeb) Phau Ntawv Nkauj 119:121-152 (th zaj kawm 2)
4. Pib Nrog Luag Tham
(3 feeb) MUS IB LUB TSEV RAU IB LUB. (lmd zaj kawm 1 lub ntsiab me 5)
5. Rov Mus Xyuas
(4 feeb) Rov mus tham nrog tus koj ntsib thaum mus ib lub tsev rau ib lub. Qhia nws seb yuav mus nrhiav tej yam nws nyiam hauv jw.org li cas. (lmd zaj kawm 8 lub ntsiab me 3)
6. Pab Lawv Los Ua Thwj Tim
(5 feeb) Tham nrog tus uas koj qhia Vajlugkub rau uas pheej tsis tuaj koom kev sib txoos cuag ncua. (lmd zaj kawm 12 lub ntsiab me 4)
Hu Zaj Nkauj 121
7. Txhob Cia Nyiaj Txiag Ua Rau Koj Raug Kev Txom Nyem
(15 feeb) Lus qhuab qhia thiab lus teb.
Cov uas ntshaw kom muaj txiag nplua nuj “ua rau lawv raug ntau yam kev txom nyem.” (1 Timautes 6:9, 10) Yog peb muab nyiaj txiag saib hlob hauv peb lub neej ces peb yuav tsis muaj kev kaj siab. Cov nqe Vajlugkub hauv qab no qhia tias tus neeg uas ntshaw nyiaj yuav raug teeb meem li cas.
-
Nws yuav tsis muaj kev sib raug zoo nrog Yehauvas.—Mathais 6:24
-
Nws yuav tsis txaus siab.—Tej Lus Qhia 5:10
-
Nws yuav ua neeg dag, ua tub sab tub nyiag, thiab tswj tsis tau lub siab kom txhob ua txhaum. (Pajlug 28:20) Yog nws ua tej kev txhaum no, yuav ua rau nws rov tu siab rau nws tus kheej, tau lub koob lub npe tsis zoo, thiab yuav plam kev sib raug zoo nrog Vajtswv
Nyeem Henplais 13:5, ces nug li no:
-
Yuav ua li cas peb thiaj tsis nyuaj siab, thiab yog vim li cas?
Txawm peb tsis muab nyiaj txiag saib hlob los, yog peb tsis txawj txuag ces peb yuav ntsib kev nyuaj siab ntxhov plawv.
Tso zaj YEEB YAJ KIAB Paub Txuag Nyiaj Txiag. Ces nug li no:
-
Vim li cas zoo rau koj npaj seb koj yuav siv nyiaj npaum li cas, thiab koj yuav ua li no li cas?
-
Vim li cas tseem ceeb rau koj khaws nyiaj?
-
Vim li cas koj yuav tau zam tej nuj nqis uas tsis tsim nyog tiv?
