VIM LI CAS TSEEM CEEB: Qhia Vajlugkub hauv xov tooj yog ib txojkev tseem ceeb heev rau peb “qhia Txojmoo Zoo rau sawvdaws.” (Tes Haujlwm 20:24) * Ua li no, peb thiaj li ncav cuag tau tus tswv tsev uas tsis nyob hauv vaj hauv tsev lossis tham tsis tau tim ntsej tim muag.

YUAV TAU UA LI NO:

• Npaj ua ntej. Xaiv ib lub ntsiab uas koj xav tias tibneeg nyiam. Ces muab coj los sau ua ntej seb koj yuav hais li cas. Ntxiv ntawd, npaj ib co lus tseg cia yog tias nws tsis txais xov tooj, koj thiaj tau muab kaw rau nws mloog. Muab koj cov ntawv coj los pua rau saum lub rooj, xws li qhib koj lub twj JW Library^® lossis lub vej xaij jw.org^® ua lus Hmoob

• Ua siab tus. Txhob ntshai tham lus. Hais lus luag ntxhi tib yam li tus neeg ntawd nyob tim ntsej tim muag. Txhob lam tau lam nyob ntsiag to. Kuj zoo rau lwm tus nrog koj qhia thiab. Thaum tus tswv tsev nug txog ib yam twg, rov qab qog nws cov lus kom tus uas nrog koj thiaj hnov thiab pab tau koj teb

• Tseg lus kom thiaj li tau hu rov mus teb. Yog tus tibneeg koj hu mus nrog tham nyiam tej koj qhia rau nws, ces nug nws ib los kom koj thiaj rov hu tau nws. Muaj ntau txoj hau kev koj xa tau ntaub ntawv lossis yeeb yaj kiab rau tus uas koj nrog tham. Xws li, xa tau hauv e-mail, ntaus ntawv hauv xov tooj, lossis xa mus rau nws qhov chaw nyob