VIM LI CAS HO TSEEM CEEB: Cov xaiv tseg thiab lwm pab yaj caw kom txhua leej txhua tus los haus “cov dej . . . pub dawb dawb xwb tsis yuav nqi.” (Tsm. 22:17) Cov dej piv txog txhua yam uas Yehauvas npaj tseg kom noob neej thiaj dim ntawm kev txhaum thiab kev tuag. Yog li ntawd, yuav kom pab tau txhua haiv neeg, peb yuav tau txawj qhia “Txojmoo Zoo uas nyob mus ibtxhis” kom raug siab.​—Tsm. 14:6.

YUAV TAU UA LI NO:

• Xaiv ib nqes Vajlugkub thiab ib lub ntsiab kom raug cov tibneeg lub siab hauv koog uas koj mus qhia. Tej zaum koj siv tau tej ntsiab hauv cov qauv lus lossis tej yam uas koj paub tias tibneeg nyiam. Ua li, tibneeg nyiam tham txog dabtsi thiab nyiam cov nqe Vajlugkub twg? Puas muaj tej yam uas tibneeg txhawj txog? Yog koj ntsib ib tug txivneej, nws nyiam tham txog dabtsi? Lossis yog koj ntsib ib tug pojniam, nws nyiam tham txog tej yam twg?

• Thaum koj ntsib tibneeg hauv koog uas koj mus qhia, paub hu lawv.​—2 Klt. 6:3, 4

• Thaum koj qhia Vajlugkub, txawj siv cov ntaub ntawv thiab yeej yaj kiab hauv Cov Twj Mus Ua Vajtswv Tes Num

• Yog tias koog uas koj yuav mus qhia muaj cov uas hais lwm yam lus, zoo rau koj theej tawm tej ntaub ntawv thiab yeej yaj kiab hauv yam lus ntawd

• Yog tus tswv tsev qhia koj txog nws tej kev nyuaj siab, zoo rau koj nrog nws tham txog tej ntawd es tsis txhob tham txog tej uas koj tau npaj lawm. (1 Klt. 9:19-23) Xws li, koj yuav xaiv cov lus twg los hais yog ib tug nws hlub tas sim neej lawm?

SAIB ZAJ YEEB YAJ KIAB, TOM QAB NTAWD TEB COV LUS NUG NO:

• Tus tshaj tawm tham txog lub ntsiab twg ua ntej?

• Tus tswv tsev lub neej zoo li cas xwb?

• Zoo rau tus tshaj tawm siv nqe Vajlugkub twg, thiab vim li cas?

• Peb yuav yoog cov uas nyob hauv peb koog li cas?