Thaum ub, muaj cov nom tswv uas tau pab Yehauvas cov tibneeg. (Exa. 6:1-12; Ext. 8:10-13) Niaj hnub no los, Yehauvas siv ib txhia nom tswv uas zoo li “lub ntiajteb” los nqos “tej dej” uas yog tej kev tsim txom los ntawm “tus zaj” uas yog Xatas. (Tsm. 12:16, TT ) Muaj tej lub sijhawm, Yehauvas uas yog “tus Vajtswv uas cawm peb dim,” tswj cov nom tswv lub siab los pab nws cov tibneeg.​—Pnk. 68:20; Paj. 21:1.

Yog tias koj raug kaw vim koj ntseeg Yehauvas, tsis txhob xav tias nws tsis nrog nraim koj lawm. (Chk. 39:21-23; Pnk. 105:17-20) Qhov uas koj muab siab rau ntseeg txhawb tau cov kwvtij thiab nkauj muam nyob thoob plaws qab ntuj. (Flp. 1:12-14) Tsis tas li ntawd xwb, Yehauvas yuav muab nqi zog rau koj. (Tsm. 2:10)

SAIB ZAJ YEEB YAJ KIAB COV KWVTIJ KAUS LIM TAWM HAUV NKUAJ, TOM QAB NTAWD TEB COV LUS NUG NO:

• Vim li cas peb cov kwvtij hauv Kaus Lim Qab Teb raug kaw?

• Ua cas ib txhia kwvtij thiaj tau tawm hauv nkuaj ntxov zog?

• Peb yuav pab cov kwvtij uas raug kaw vim lawv txojkev ntseeg rau Yehauvas li cas?

• Peb yuav siv peb lub sijhawm ua dabtsi, yog nom tswv tsis txwv peb txojkev pe hawm Yehauvas?

• Thaum hais yeej ib tshaj plaub twg, leejtwg yog tus pab peb?