Txij xyoo 2018 los, peb phau Phau Tsom Faj thiab Tsim Dheev! tsuas sau ib lub ntsiab rau ib phau ntawv lawm xwb. Peb muab ob phau ntawv no tso rau hauv peb Cov Twj Mus Ua Vajtswv Tes Num. Peb kuj nqa tau ob peb phau nrog peb coj mus tseb rau tibneeg tau saib, xws li thaum peb mus rau ub rau no lossis mus tom tej kiab tej khw. Ob phau ntawv no tsis yog siv los kawm Vajlugkub nrog tibneeg, tiamsis muab rau lawv nyeem seb lawv puas muaj lub siab xib xav los kawm phau Vajlugkub.

Tom qab koj thiab ib tug neb sib hu tas, yog tias nws tau piav txog ib txojkev nyuaj siab twg uas nws raug ces nyeem ib nqi Vajlugkub thiab tso ib Phau Tsom Faj lossis Tsim Dheev! uas phim nws txojkev nyuaj siab ntxhov plawv. Koj piav tau raws li hais no rau nws: “Aub, kuv tabtom nyeem tau txog ib phau ntawv uas piav txog lub ntsiab koj hais ko. Cia kuv mam li muab ib phau tso tseg rau koj tau saib.” Yog koj nqa tsis tau phau ntawv nrog koj ces xa hauv koj lub xov tooj mus rau nws los tau. Peb lub hom phiaj yog xav kom lawv kawm Vajlugkub tsis yog tseb ntaub tseb ntawv rau ub rau no xwb.​—Tes Haujlwm 13:48.