Tamsim no, koj puas ua haujlwm puv ntoob rau Yehauvas thiab muaj hnub nyoog 23 txog 65 xyoos? Yog koj tsis muaj mob muaj nkeeg, koj puas kam mus pab tej thaj tsam uas tsis tshua muaj cov ntseeg pes tsawg? Yog koj mus tau no ces rau npe rau lub tsev kawm ntawv Kev Kawm Rau Cov Qhia Lub Nceeg Vaj. Txij thaum peb qhib lub tsev kawm ntawv no, muaj txhiab txhiab leej tus tau rau npe mus kawm lawm. Tsis hais cov muaj txij nkawm thiab tsis tau muaj huv tibsi. Tamsim no, peb xav tau cov kwvtij tsis tau muaj txij nkawm. Yog tias nej tsis tau muaj lub siab xib kawm, los thov Yehauvas pab nej rau siab yam li tswv Yexus. (Phau Ntawv Nkauj 40:8; Mathais 20:28; Henplais 10:7) Ua tib zoo ntsuas nej lub neej seb yam twg nej tso tau tseg kom thiaj li kawm tau lub tsev kawm ntawv no.

Tom qab nej kawm lub tsev kawm ntawv no tas, nej muaj peevxwm mus ua ntau yam haujlwm rau Yehauvas. Xws li, mus qhia Vajlugkub rau hauv tej nroog loj, mus ua tus saib xyuas thaj tsam, lossis tshaj tawm txawv tebchaws. Ua tib zoo xav txog thiab xyaum Yaxayas tus cwj pwm: “Kuv nyob ntawm no! Thov txib kuv mus!”​—Yaxayas 6:8.

SAIB ZAJ YEEB YAJ KIAB COV NTAUS THAWJ MUS TSHAJ TAWM, TOM QAB NTAWD NUG NO LI NO:

• Yuav xaiv leejtwg mus tshaj tawm txawv tebchaws?

• Cov mus tshaj tawm txawv tebchaws pab tau tibneeg npaum li cas?

• Yuav txais tau tej koob hmoov twg yog mus tshaj tawm txawv tebchaws?