VIM LI CAS HO TSEEM CEEB: Cov neeg uas dig muag feem ntau txaj muag tham nrog cov uas lawv tsis paub. Vim li no, peb yuav tau txawj qhia Vajlugkub rau cov uas dig muag. Phau Vajlugkub qhia tias Yehauvas hlub tshua cov uas dig muag. (Levis Kevcai 19:14) Yog li ntawd, cia peb xyaum li Yehauvas es nrhiav kev los pab cov uas dig muag paub nws.

YUAV TAU UA LI NO:

• Mus nrhiav cov uas dig muag. (Mathais 10:11) Koj puas paub ib tse neeg twg uas muaj ib tug uas dig muag? Nyob hauv koj thaj tsam, puas muaj tej tsev kawm ntawv, tej koom haum lossis tej tsev laus uas pab cov uas dig muag? Lawv puas xav tau tej ntaub ntawv uas yog rau cov uas dig muag?

• Xam pom lwm tus. Yog peb ua siab zoo thiab khuvleej cov uas dig muag, tej zaum lawv yuav tsis txaj muag nrog peb tham. Zoo rau peb tham txog tej yam uas cov tibneeg nyob hauv peb thaj tsam xav paub txog

• Pab lawv paub Vajtswv. Yehauvas lub koom haum tau tsim ntau yam ntaub ntawv los pab tus uas dig muag. Nug seb nws xav siv yam twg los kawm Vajlugkub. Tus saib xyuas kev qhia Vajlugkub mam li saib seb tus kwvtij tuav tej ntaub ntawv puas muaj ntaub ntawv hauv lub koom txoos rau nws