CHIVKEEB 29-30
VAJTSWV TEJ LUS NYIAJ LUS KUB |Yakhauj Yuav Pojniam
29:18-28
Yakhauj tsis paub tias thaum yuav pojniam tas yuav muaj teeb meem npaum li cas. Nws 2 tug pojniam Laxees thiab Le-as sib khib heev. (Chivkeeb 29:32; 30:1, 8) Txawm Yakhauj ntsib teeb meem ntau npaum li cas los nws tso siab tias Yehauvas yuav pab nws. (Chivkeeb 30:29, 30, 43) Thaum kawg, Yehauvas foom koob hmoov rau Yakhauj, nws cov xeeb ntxwv thiaj tau los ua haiv neeg Yixalayees.—Luv 4:11.
Niaj hnub nimno los cov uas muaj txij nkawm kuj yuav ntsib teeb meem thiab. (1 Kauleethaus 7:28) Txawm li ntawd los, lawv txojkev txij nkawm yeej yuav ruaj khov thiab muaj kev zoo siab yog tias lawv tso siab rau Yehauvas thiab coj raws li nws tej hauv paus ntsiab lus hauv phau Vajlugkub.—Pajlug 3:5, 6; Efexus 5:33.