Niaj hnub nim no yim huab muaj xwm txheej phem. Yog li ntawd, Pab Uas Ntaus Thawj thiaj tsa muaj Chav Saib Xyuas Thaum Muaj Xwm Txheej nyob rau txhua ceg Npe-ee. Yog muaj xwm txheej, chav no thiaj mus pab tau cov kwv tij nkauj muam.

Thaum muaj ib qho xwm txheej phem twg, chav no hu mus rau cov txwj laus kiag tam sim ntawd seb lawv cheem tsum kev pab dab tsi. Yog qhov xwm txheej ntawd loj heev uas cov kwv tij nkauj muam yuav tsum tau kev pab ces ceg Npe-ee mam li txib ib co kwv tij los leg tes hauj lwm no. Cov kwv tij no mam li nrhiav seb leej twg xyeej sij hawm mus pab los sis pub tau dej siab mus yuav tej khoom siv. Tej thaud, lawv kuj mus yuav tau tej khoom siv los faib.

Yog tias nyias ua nyias ces yuav nkim nyiaj txiag, nkim khoom, thiab nkim dag nkim zog. Tiam sis muaj chav no los leg hauj lwm rau cov kwv tij, thiaj tsis ua nyuaj rau sawv daws.

Yog li ntawd, tsis txhob nyias taus xa nyias khoom thiab xa nyiaj los sis mus kiag rau thaj tsam uas raug xwm txheej. Cov kwv tij uas ceg Npe-ee txib mam li txiav txim seb yuav xa nyiaj npaum li cas thiab xa neeg coob li cas mus pab. Tsis tas li ntawd, cov kwv tij no mus cuag tau cov nom tswv hauv thaj tsam ntawd seb yuav ua li cas thiaj li pab tau cov kwv tij nkauj muam sai li sai tau.

Thaum peb cov kwv tij nkauj muam raug xwm txheej phem, peb yeej hlub lawv thiab xav pab lawv kawg li. (Henplais 13:16) Peb pab tau lawv li cas? Peb thov tau Vajtswv pab lawv thiab thov Vajtswv pab cov uas zoo siab hlo cev tes pab thaum muaj xwm txheej. Yog peb xav mus pab thaum muaj xwm txheej ces peb yuav tsum rau npe rau daim ntawv Pab Tsim Tsa Thiab Kho Tsev (DC-50). Peb kuj pub tau dej siab mus pab tes hauj lwm thoob qab ntuj. Pab Uas Ntaus Thawj yeej saib xyuas seb yuav siv cov nyiaj no li cas.

SAIB ZAJ YEEB YAJ KIAB DEJ DAG NYAB HAUV TEB CHAWS NPLAXI CES TEB LO LUS NUG NO:

Koj xav li cas thaum Yehauvas Cov Tim Khawv pab cov kwv tij nkauj muam uas raug dej nyab hauv teb chaws Nplaxi xyoo 2020?