Lub 4 Hlis Tim 29–Lub 5 Hlis Tim 5
PHAU NTAWV NKAUJ 34-35
Hu Zaj Nkauj 10 Thiab Thov Vajtswv | Tos Txais (1 feeb)
1. ‘Qhuas Yehauvas Tsis Tseg Tsis Tu’
(10 feeb)
Txawm Daviv raug kev nyuaj siab los nws yeej tseem qhuas Yehauvas tsis tseg tsis tu (Phau Ntawv Nkauj 34:1; w07-E 3/1 22 ¶11)
Daviv qhuas txog Yehauvas, tsis yog qhuas txog nws tus kheej (Phau Ntawv Nkauj 34:2-4; w07-E 3/1 22 ¶13)
Qhov uas Daviv qhuas Vajtswv txhawb tau cov neeg uas nrog nws lub zog (Phau Ntawv Nkauj 34:5; w07-E 3/1 23 ¶15)
Tom qab Daviv khiav tawm ntawm Anpimelej mus lawm, muaj 400 tus txiv neej uas tsis txaus siab rau Vajntxwv Xa-ules tuaj cuag Daviv ntawm moj sab qhua. (1 Xamuyees 22:1, 2) Tej zaum Daviv xav txog cov txiv neej no thaum nws sau Phau Ntawv Nkauj 34.—Phau Ntawv Nkauj 34, cov lus hauv qab taw qhia.
UA ZOO XAV, ‘Thaum kuv mus kev sib txoos thiab nrog lwm tus tham, kuv yuav hais lus qhuas Yehauvas li cas?’
2. Tshawb Nrhiav Tej Lus Nyiaj Lus Kub
(10 feeb)
-
Phau Ntawv Nkauj 35:19—Thaum Daviv thov kom tsis txhob cia nws cov yeeb ncuab “zij ncaug ntxi muag” rau nws, yog txhais li cas tiag? (w06-E 5/15 20 ¶2)
-
Thaum nyeem Vajlugkub lub lim tiam no, koj tshawb nrhiav pom li cas?
3. Nyeem Cov Nqe Vajlugkub
(4 feeb) Phau Ntawv Nkauj 34:1-22 (th zaj kawm 5)
4. Pib Nrog Luag Tham
(2 feeb) QHIA VAJLUGKUB THAUM MUS UB MUS NO. Neb sib tham tiam sis koj tsis tau qhia Vajlugkub rau nws. (lmd zaj kawm 1 lub ntsiab me 4)
5. Rov Mus Xyuas
(4 feeb) Rov mus tham nrog tus koj ntsib thaum mus ub mus no. (lmd zaj kawm 2 lub ntsiab me 4)
6. Piav Txog Koj Txoj Kev Ntseeg
(5 feeb) Ua yeeb yam. ijwfq 59—Lub Ntsiab: Yehauvas Cov Tim Khawv Yuav Ua Li Cas Paub Tias Tej Kev Cai Twg Zoo Los Tsis Zoo Koom Nrog? (th zaj kawm 17)
Hu Zaj Nkauj 59
7. Ua Peb Yam No Los Qhuas Yehauvas Tom Tej Kev Sib Txoos
(15 feeb) Lus qhuab qhia thiab lus teb.
Muaj peb yam peb qhuas tau Yehauvas tom kev sib txoos:
Thaum Sib Tham Pem: Thaum nrog lwm tus tham, hais tej yam zoo txog Yehauvas. (Phau Ntawv Nkauj 145:1, 7) Sim xav seb koj tau hnov los sis nyeem txog ib yam dab tsi uas pab tau koj? Thaum mus qhia Vajlugkub, koj puas tau ntsib tej yam zoo? Puas muaj lwm tus hais lus txhawb koj los sis hais tej yam uas pab tau koj? Puas muaj tej yam uas Vajtswv tsim uas ua rau koj xav tsis thoob li? Txhua yam zoo no yeej yog Yehauvas muab pub rau peb. (Yakaunpaus 1:17) Tuaj kom ntxov zog koj thiaj tau nrog txhua leej txhua tus tham.
Tsa tes teb: Npaj tsa tes teb rau txhua txoj kev sib txoos. (Phau Ntawv Nkauj 26:12) Koj teb tau tsi ntsees rau lo lus nug los tau, los sis teb lwm lo lus los txhawb lub ntsiab, piav cov nqe Vajlugkub, tham txog cov duab, los sis teb seb nqe ntawd pab tau koj li cas. Yuav muaj lwm tus tsa tes teb thiab, yog li zoo rau koj npaj ob peb lo lus teb. Yog peb teb 30 chib rov hauv ces lwm tus thiaj li yuav teb tau thiab.—Henplais 13:15.
Hu Nkauj: Muaj siab zim hu cov nkauj qhuas Vajtswv. (Phau Ntawv Nkauj 147:1) Nyob rau tej lub koom txoos uas muaj neeg coob coob, tej zaum tus uas coj yuav hu tsis txog koj, txawm li los koj yeej hu tau nkauj los qhuas Vajtswv. Txhob xav tias koj hu nkauj tsis zoo, yog koj hu kawg siab kawg ntsws, yuav ua rau Yehauvas txaus siab heev. (2 Kauleethaus 8:12) Ua ntej tuaj kev sib txoos, xyaum hu cov nkauj tom tsev.
Tso zaj YEEB YAJ KIAB Peb Li Keeb Kwm Muaj Li No—Peb Cov Nkauj Qhuas Vajtswv, Ntu 1. Ces nug li no:
Thaum pib los, lub koom haum ua qhia tias kev hu nkauj qhuas Yehauvas tseem ceeb npaum li cas?
8. Lub Koom Txoos Kev Kawm Vajlugkub
(30 feeb) lv tshooj 9 ¶13-21 thiab lub ntsiab me “Kuv Yuav Thum Tej Kev Phem Li Cas?”
