Lub 3 Hlis Tim 17-23
PAJLUG 5
Hu Zaj Nkauj 122 Thiab Thov Vajtswv | Tos Txais (1 feeb)
1. Txav Deb Ntawm Kev Ua Plees Ua Yi
(10 feeb)
Yooj yim rau ib tug ua kev nkauj kev nraug (Pajlug 5:3; w00-E 7/15 29 ¶1)
Cov mus ua plees ua yi thaum kawg tsuas ntsib kev nyuaj siab xwb (Pajlug 5:4, 5; w00-E 7/15 29 ¶2)
Khiav deb ntawm kev ua plees ua yi (Pajlug 5:8; w00-E 7/15 29 ¶5)
Ib tug ntxhais uas ntseeg Yehauvas tsis kam muab nws tus xov tooj rau ib tug tub hluas
2. Tshawb Nrhiav Tej Lus Nyiaj Lus Kub
(10 feeb)
-
Pajlug 5:18, 19—Yehauvas hais li cas txog kev pw ua niam txiv? (lff zaj kawm 41 lub ntsiab me 1)
-
Thaum nyeem Vajlugkub lub lim tiam no, koj tshawb nrhiav pom li cas?
3. Nyeem Cov Nqe Vajlugkub
(4 feeb) Pajlug 5:1-23 (th zaj kawm 5)
4. Pib Nrog Luag Tham
(3 feeb) TSHAJ TAWM RAU TEJ CHAW UAS MUAJ NEEG COOB DUA KEV. Caw ib tug uas tsis ntseeg Vajtswv tuaj koom hmo ua kev cai nco txog Yexus thiab siv jw.org los nrhiav qhov chaw ua kev cai nco txog Yexus uas nyob ze nws. (lmd zaj kawm 6 lub ntsiab me 4)
5. Rov Mus Xyuas
(4 feeb) Rov mus tham nrog tus koj ntsib thaum mus ib lub tsev rau ib lub. Zaum tas los nws nyiam thiab txais daim ntawv caw ua kev cai nco txog Yexus. (lmd zaj kawm 9 lub ntsiab me 5)
6. Pab Lawv Los Ua Thwj Tim
(5 feeb) lff zaj kawm 16 koj kawm tau dab tsi, rov tham dua, thiab koj xav xyaum yam twg. Tus kawm nug tias Yexus puas muaj poj niam. Qhia nws seb nws yuav mus tshawb nrhiav lo lus nug ntawd li cas. (lmd zaj kawm 11 lub ntsiab me 4)
Hu Zaj Nkauj 121
7. Txhob Ua Txhaum Yehauvas Thaum Neb Sib Tham
(15 feeb) Lus qhuab qhia thiab lus teb.
Kev sib tham yog thaum ib tug poj niam thiab ib tug txiv neej sib nyiam thiab nkawd ib leeg xav paub ib leeg. Thaum nkawd sib tham, nkawd yuav ua ke nrog ib pab neeg los sis nkawd nyob nkawd ob leeg, nkawd qhia lwm tus paub los sis nkawd nyiag sib tham. Kev sib tham tsis yog thaum sib pom xwb, tiam sis kuj yog thaum nkawd tham hauv xov tooj thiab ntaus ntawv ib leeg rau ib leeg. Tag nrho tej no, puav leej yog kev sib tham lawm. Txoj kev sib tham tsis yog kev ua si. Thaum yus tham ib tug ces twb yog yus xav nrhiav ib tug txij nkawm tiag tiag. Txawm laus thiab hluas los, thaum sib tham, yuav tsum ceev faj, thiaj tsis mus ua kev plees kev yi. Yuav tau ceev faj li cas?—Pajlug 22:3.
Tso zaj YEEB YAJ KIAB Kuv Puas Tau Hlob Txaus Nrhiav Txij Nkawm?—Saib Ib Vuag. Ces nug li no:
-
Vim li cas yuav tsum txhob maj tham hluas nkauj hluas nraug yog tias tsis tau npaj siab sib yuav? (Pajlug 13:12; Lukas 14:28-30)
-
Koj khaws tau yam twg los ntawm leej niam leej txiv thaum nkawd pab nkawd tus ntxhais?
Nyeem Pajlug 28:26. Ces nug li no:
-
Ob tug uas sib tham, yuav ua li cas nkawd thiaj tsis ua txhaum kev nkauj kev nraug?
-
Vim li cas zoo rau ob tug uas tab tom sib tham, sib qhia kom sib nkag siab seb nkawd puas yuav tuav tes, puas sib khawm los sis sib tawb?
Nyeem Efexus 5:3, 4. Ces nug li no:
-
Thaum ob tug sib tham hauv xov tooj los sis saum huab saum cua, nkawd yuav tsum ceev faj nkawd tej lus li cas?
8. Lub Koom Txoos Kev Kawm Vajlugkub
(30 feeb) lff zaj kawm 11 lub ntsiab me 5, koj kawm tau dab tsi, rov tham dua, thiab koj xav xyaum yam twg
