Lub 4 Hlis Tim 28–Lub 5 Hlis Tim 4
PAJLUG 11
Hu Zaj Nkauj 90 Thiab Thov Vajtswv | Tos Txais (1 feeb)
1. Tsis Txhob Ua Li No!
(10 feeb)
Tsis txhob hais tej lus uas yuav rhuav luag ntsej muag (Pajlug 11:9; w02-E 5/15 26 ¶4)
Tsis txhob hais tej lus ua rau lub koom txoos tawg ua pab ua pawg (Pajlug 11:11; w02-E 5/15 27 ¶2-3)
Tsis txhob qhia tej yam uas tsis tsim nyog qhia (Pajlug 11:12, 13; w02-E 5/15 27 ¶5)
UA ZOO XAV: Yexus cov lus hais hauv Lukas 6:45 pab kom peb ceev peb cov lus li cas?
2. Tshawb Nrhiav Tej Lus Nyiaj Lus Kub
(10 feeb)
-
Pajlug 11:17—Vim li cas peb yuav tsum ua siab zoo? (g20.1 11, lub ntsiab me)
-
Thaum nyeem Vajlugkub lub lim tiam no, koj tshawb nrhiav pom li cas?
3. Nyeem Cov Nqe Vajlugkub
(4 feeb) Pajlug 11:1-20 (th zaj kawm 5)
4. Pib Nrog Luag Tham
(4 feeb) QHIA VAJLUGKUB THAUM MUS UB MUS NO. Thaum zoo sij hawm, qhia rau nws tias koj kawm tau dab tsi tom kev sib txoos. (lmd zaj kawm 2 lub ntsiab me 4)
5. Rov Mus Xyuas
(4 feeb) Rov mus tham nrog tus koj ntsib thaum mus ub mus no. Tso ib zaj yeeb yaj kiab hauv Cov Twj Mus Ua Vajtswv Tes Num rau nws saib. (lmd zaj kawm 8 lub ntsiab me 3)
6. Pab Lawv Los Ua Thwj Tim
(4 feeb) TSHAJ TAWM RAU TEJ CHAW UAS MUAJ NEEG COOB DUA KEV. Nug seb nws puas xav kawm Vajlugkub thiab qhia seb yuav kawm li cas. (lmd zaj kawm 10 lub ntsiab me 3)
Hu Zaj Nkauj 157
7. Txhob Hais Tej Lus Uas Rhuav Tau Kev Sib Haum Xeeb
(15 feeb) Lus qhuab qhia thiab lus teb.
Vim peb yog neeg zoo tsis tiav, peb yuav hais tau lus yuam kev. (Yakaunpaus 3:8) Txawm li los, yog peb ua tib zoo xav ua ntej, peb yuav zam tsis hais tej lus tsis zoo. Cov lus hauv qab no yog ib co lus uas rhuav tau kev sib haum xeeb hauv lub koom txoos:
-
Lus khav theeb. Lus khav theeb yog thaum yus pheej qhuas yus tus kheej. Qhov no yuav ua rau tej tug khib thiab yuav ua rau ib leeg xav sib tw nrog ib leeg.—Pajlug 27:2
-
Lus tsis tseeb. Lus tsis tseeb kuj hais txog tej lus dag los sis txhob txwm hais tej lus kom lwm tus xav yuam kev. Txawm koj hais ib lo tsis tseeb xwb los yuav ua rau koj puas koob puas npe thiab yuav tsis muaj kev sib ntseeg siab lawm.—Tej Lus Qhia 10:1
-
Lus taug xaiv. Lus taug xaiv ces yog tham txog lwm tus lub neej thiab ntxeev lus txog lawv los sis tham txog tej uas tsis tsim nyog yuav qhia tawm txog lawv. (1 Timautes 5:13) Yuav ua rau muaj kev sib cav sib ceg los sis kev sib faib
-
Lus npau taws. Lus npau taws yog thaum ib tug ua tsis haum yus siab es yus tsis tswj yus tus nplaig thiab hais lus npau taws vog rau nws.—Pajlug 29:22; Efexus 4:26
Tso zaj YEEB YAJ KIAB Tsis Txhob Rhuav Kev Sib Haum Xeeb—Saib Ib Vuag. Ces nug li no:
-
Tej lus peb hais muaj peev xwm rhuav kev sib haum xeeb hauv lub koom txoos li cas?
Saib zaj yeeb yaj kiab Nrhiav Kev Sib Haum Xeeb seb lawv kho kom rov muaj kev sib haum xeeb li cas.
